ഇന്ന് മുതല് സംസ്ഥാനത്ത് തെക്കുപടിഞ്ഞാറന് കാലവര്ഷം സജീവമാകും..... ശക്തമായ കാറ്റിനും മഴയ്ക്കും സാധ്യതയുള്ളതിനാല് യെല്ലോ, ഓറഞ്ച് അലര്ട്ടുകള് പ്രഖ്യാപിച്ചു
തെക്കുപടിഞ്ഞാറന് കാലവര്ഷം ഇന്ന് മുതല് സംസ്ഥാനത്ത് സജീവമാകും. ഉച്ചയോടെ മദ്ധ്യ കിഴക്കന് ബംഗാള് ഉള്ക്കടലില് കാലവര്ഷത്തിലെ ആദ്യ ന്യൂനമര്ദ്ദം രൂപപ്പെടും.
അതുകാരണം നാളെ മുതല് മഴ സജീവമാകും. ന്യൂനമര്ദ്ദം നാളെയോടെ തീവ്ര ന്യൂനമര്ദ്ദമായി മാറുമെന്നാണ് വിലയിരുത്തുന്നത്.കേരളത്തില് അടുത്ത അഞ്ച് ദിവസം ശക്തമായ മഴയ്ക്ക് സാദ്ധ്യത
വടക്കന് കേരളത്തിലാകും കൂടുതല് മഴയ്ക്ക് സാദ്ധ്യത. കേരള-കര്ണാടക തീരത്തും, ലക്ഷദ്വീപ് പ്രദേശങ്ങളിലും മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിന് സാദ്ധ്യതയുള്ളതിനാല് ഇവിടങ്ങളില് 14 വരെ മത്സ്യബന്ധനം പാടില്ല.
രണ്ട് ദിവസത്തേക്ക് തെക്കന് തമിഴ്നാട്ടില് (കൊളച്ചല് മുതല് ധനുഷ്കോടി വരെ) 2.5 മുതല് 3.2 മീറ്റര് വരെ ഉയരത്തില് തിരമാലയ്ക്കും കടലാക്രമണത്തിനും സാദ്ധ്യതയുള്ളതിനാല് തീരദേശവാസികളും ജാഗ്രത പാലിക്കണം.
നാളെ യെല്ലോ അലര്ട്ട് കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് 14ന് ഓറഞ്ച് അലര്ട്ട് ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ്.
"
https://www.facebook.com/Malayalivartha
