കഴിഞ്ഞ ദിവസമായിരുന്നുമറൈന്‍ഡ്രൈവില്‍ യുവതിയെ ഫ്‌ളാറ്റില്‍ തടങ്കലില്‍ വെച്ച് ക്രൂരമായി പീഡിപ്പിച്ച കേസിലെ പ്രതി മാര്‍ട്ടിനെ പോലീസ് അറസ്റ്റ് ചെയ്തത്. എന്നാല്‍ ഇയാളെ പറ്റിയുള്ള കൂടുതല്‍ വിവരങ്ങള്‍ പുറത്ത് വരുമ്പോള്‍ വളരെയധികം നിഗൂഢതകള്‍ മറഞ്ഞു കിടക്കുകയാണ്.

ആരാണ്?എവിടെ നിന്നാണ്? എന്നിങ്ങനെയുള്ള അടിസ്ഥാനവിവരങ്ങള്‍ വലിയ ചോദ്യചിഹ്നമായി ഉയരുന്നു. ഇയാളുടെ അടുത്ത് താമസിച്ചിരുന്നവര്‍ക്ക് ഇയാള്‍ എന്ത് ജോലിയാണ് ചെയ്തിരുന്നതെന്നത് എന്നതിനെ കുറിച്ച് യാതൊരു അറിവുമില്ല. കടവന്ത്രയിലെയും മറൈന്‍ഡ്രൈവിലെയും ഫ്‌ളാറ്റുകളില്‍ മാറി മാറി താമസിച്ചപ്പോഴും അയല്‍ക്കാരോട് ഇയാള്‍ വേണ്ടത്ര ബന്ധം സ്ഥാപിച്ചിരുന്നില്ല.

മറൈന്‍ഡ്രൈവില്‍ യുവതിയെ തടങ്കലില്‍ വെച്ച് നടത്തിയ പീഡനം പുറത്തറിയാതെ പോയതും ഇത്തരത്തിലുള്ള നിഗൂഢതകള്‍ അയാള്‍ മറച്ചുവെച്ചത് കൊണ്ടാണ്.

കണ്ണൂര്‍ സ്വദേശിനിയുടെ നഗ്‌ന വീഡിയോ മാര്‍ട്ടിന്റെ കൈയില്‍നിന്ന് കണ്ടെത്തി നശിപ്പിക്കുകയായിരുന്നു പോലീസിന് മുന്നില്‍ ഉണ്ടായിരുന്നു വലിയ വെല്ലുവിളി. ഇതിനായി മാര്‍ട്ടിന്‍ ഉപയോഗിച്ചിരുന്ന ഫോണും ലാപ്‌ടോപ്പും മറ്റ് അനുബന്ധ ഉപകരണങ്ങളും പിടിച്ചെടുത്തു പരിശോധിക്കുവാന്‍ ഒരുങ്ങുകയാണ് . മറ്റു യുവതികളുടെയും ദൃശ്യങ്ങള്‍ ഇയാള്‍ പകര്‍ത്തിയിരുന്നോ എന്നും അന്വേഷിക്കുന്നുണ്ട്.

ആഡംബര പ്രിയനായ വ്യക്തിയാണ് ഇയാള്‍.
എറണാകുളത്ത് താമസിച്ച ഫ്‌ലാറ്റുകളിലെല്ലാം ആഡംബര സൗകര്യങ്ങളോടെയാണ് മാര്‍ട്ടിന്‍ ജീവിച്ചിരുന്നത്. മറൈന്‍ഡ്രൈവിലെ ഫ്‌ളാറ്റിന് മാസവാടക അര ലക്ഷം രൂപയാണ്.വമ്പന്‍ കാറുകളിലായിരുന്നു ഇയാള്‍ യാത്ര ചെയ്തിരുന്നത് .

തൃശ്ശൂരിലെ വീട്ടുകാരുമായി വലിയ ബന്ധം ഇയാള്‍ക്ക് ഉണ്ടായിരുന്നില്ല. ഇടയ്ക്ക് ആഡംബര കാറുകളില്‍ വീട്ടില്‍ വരാറുണ്ട്. എന്നാല്‍ ആ വരവ് മാത്രമേ നാട്ടുകാര്‍ക്ക് മാര്‍ട്ടിനെക്കുറിച്ച് അറിയാവൂ. കൂടുതലൊന്നും മാര്‍ട്ടിനെ പറ്റി അവര്‍ക്കറിയില്ല

.എറണാകുളത്ത് ബിസിനസാണെനായിരുന്നു ബന്ധുക്കളോട് പറഞ്ഞിരുന്നത്. എന്ത് ബിസിനസെന്ന് ആര്‍ക്കുമറിയില്ല.

ക്രിപ്‌റ്റോ കറന്‍സി, മണി ചെയിന്‍ ഇടപാടുകളിലൂടെ പണം സമ്പാദിച്ചിരുന്നതായി വിവരം പോലീസിന് ലഭ്യമായിരുന്നു. ലഹരിമരുന്ന് കേസുകളില്‍ മാര്‍ട്ടിന്‍ ഉള്‍പ്പെട്ടിരുന്നോ എന്നും പോലീസ് ശക്തമായി അന്വേഷണ വിധേയമാക്കുന്നുണ്ട്.ഇയാളെ കുടുക്കിയത് ഡ്രോണും കൂട്ടുകാരുടെ ഫോണുമായിരുന്നു

: പോലീസ് തിരച്ചില്‍ ആരംഭിച്ചപ്പോള്‍ മാര്‍ട്ടിന്‍ ജോസഫ് ഫോണ്‍ സ്വിച്ച് ഓഫാക്കി രക്ഷപ്പെടാന്‍ ശ്രമിച്ചു. അടുത്ത സുഹൃത്തുക്കളുടെ ഫോണ്‍ ആണ് ഉപയോഗിച്ചിരുന്നത്. ഇങ്ങനെ ചെയ്താല്‍ പിടിക്കപ്പെടില്ല എന്ന ആത്മവിശ്വാസമായിരുന്നു അയാള്‍ക്കുണ്ടായിരുന്നത്.

എന്നാല്‍ അയാളുടെ ആ വിശ്വാസത്തെ തകിടം മറിച്ചുകൊണ്ട് സൈബര്‍ വിദഗ്ദ്ധരടങ്ങുന്ന പ്രത്യേക അന്വേഷണ സംഘം അതി നിര്‍ണായക നീക്കം നടത്തി അയാളെ കുടുക്കുകയായിരുന്നു.മാര്‍ട്ടിന്റെ സുഹൃത്തുക്കളുടെ ഫോണ്‍ ടവര്‍ ലൊക്കേഷന്‍ പിന്‍തുടര്‍ന്നായിരുന്നു,മാര്‍ട്ടിനിലേക്ക് പോലീസ് എത്തിയത് .

ചതുപ്പ് പ്രദേശത്ത് ഒളിവില്‍ കഴിഞ്ഞാല്‍ പോലീസിന്റെ തിരച്ചിലിനെ പ്രതികൂലമായി ബാധിക്കുമെന്ന് മാര്‍ട്ടിന്‍ കരുതി. പക്ഷേ ഡ്രോണ്‍ ഉപയോഗിച്ച് ചതുപ്പ് പ്രദേശമാകെ പോലീസ് തിരയുകയും ചെയ്തു. സംശയം തോന്നിയ ഇടങ്ങളിലെല്ലാം പോലീസ് സംഘം നേരിട്ടെത്തി അന്വേഷണം നടത്തി. ഇത് കൂടുതല്‍ മേഖലയില്‍ വേഗത്തില്‍ തിരച്ചില്‍ നടത്താന്‍ പോലീസിനെ സഹായിച്ചു. സമയബന്ധിതമായ ഇടപെടലിലൂടെ മാര്‍ട്ടിനെ പോലീസ് അതിസാഹസികമായി കുടുക്കുകയായിരുന്നു...