'കുറച്ചു ദിവസം കാത്തിരുന്നാല്‍ ഫ്രീയായി വാക്‌സിന്‍ കിട്ടും, എന്നാല്‍ ഞങ്ങള്‍ കാശു കൊടുത്ത് എടുത്തു, ഒരു ഉറുമ്പ് കടിച്ച വേദനയേ ഉണ്ടായുള്ളൂ' നിങ്ങളുടെ ടേൺ വരുമ്പോൾ വാക്‌സിനേഷന് വിധേയമാവുമല്ലോ? ; ലക്ഷ്മി പ്രിയ
കോവിഡ് വാക്‌സിന്‍ സ്വീകരിച്ച സന്തോഷം പങ്കുവച്ച്‌ നടി ലക്ഷ്മി പ്രിയ. കാശു കൊടുത്ത് വാക്‌സിന്‍ എടുത്തതാണെന്ന് താരം പങ്കുവച്ച പോസ്റ്റില്‍ പറയുന്നു.
പോസ്റ്റിന്റെ പൂർണരൂപം:
അങ്ങനെ വാക്സിൻ എടുത്തു. സംശയിക്കേണ്ട. പെയ്ഡ് ആണ്. രണ്ടാളും എടുത്തു.കുറച്ചു ദിവസം കൂടി കാത്തിരുന്നാൽ ഫ്രീയായി കിട്ടും എന്നറിയാം.നമ്മൾ കാശു കൊടുത്തെടുത്താൽ ആ സ്ഥാനത്ത് അർഹതയുള്ള മറ്റു രണ്ടുപേർക്ക് വേഗത്തിൽ വാക്സിൻ ലഭിയ്ക്കുമല്ലോ. കൊവിഷീൽഡ് ആണ്.ഒരു ഉറുമ്പ് കടിച്ച വേദനയേ ഉണ്ടായുള്ളൂ.
എന്നാൽ വെളുപ്പിന് നാല് മണി മുതൽ എനിക്ക് ചെറിയ പനിയുണ്ട്. ഇൻജെക്ഷൻ എടുത്ത കൈക്ക് ചെറിയ വേദനയും.മറ്റു ബുദ്ധിമുട്ടുകൾ ഒന്നുമില്ല. അപ്പൊ തീർച്ചയായും നിങ്ങളുടെ ടേൺ വരുമ്പോൾ വാക്‌സിനേഷന് വിധേയമാവുമല്ലോ? വേഗത്തിൽ ഈ മഹാമാരിയെ തോൽപ്പിക്കാൻ നമുക്ക് സാധിക്കട്ടെ, ജീവനും ജീവിതവും തിരിച്ചു പിടിയ്ക്കാൻ ഓരോരുത്തർക്കും കഴിയട്ടെ.
https://www.facebook.com/Malayalivartha
