വധശ്രമ കേസില് വിദേശത്ത് ഒളിവില് കഴിഞ്ഞ പ്രതി കരിപ്പൂര് വിമാനത്താവളത്തില് പിടിയില്; നടപടി സഹോദരനെ വാളും മാരകായുധങ്ങളുമായി എത്തി വധിക്കാന് ശ്രമിച്ച കേസില്! തിരൂര് ജുഡീഷ്യല് ഒന്നാം ക്ലാസ് മജിസ്ട്രേട്ട് കോടതിയില് ഹാജരാക്കിയ പ്രതിയെ റിമാന്റ് ചെയ്തു
സഹോദരനെ കൊലപ്പെടുത്താന് ശ്രമിച്ച കേസില് വിദേശത്ത് ഒളിവില് കഴിയുകയായിരുന്ന പ്രതിയെ കരിപ്പൂര് വിമാനത്തവളത്തില്വെച്ച് പിടികൂടി. പൊലീസ് രജിസ്റ്റര് ചെയ്ത കൊലപാതക ശ്രമക്കേസിലെ പ്രതിയെ കരിപ്പൂര് വിമാനത്താവളത്തില് വച്ച് തിരൂര് സിഐ: ടി.പി.ഫര്ഷാദും എസ്ഐ. ജിതിന് വാസുവും ചേര്ന്നാണ് അറസ്റ്റ് ചെയ്തത്.
പുറത്തൂര് പടിഞ്ഞാറേക്കരയിലെ ചെറുവളപ്പില് മുസ്തഫ (34)യാണ് അറസ്റ്റിലായത്. മുസ്തഫയുടെ സഹോദരീ പുത്രനെ വെട്ടി പരുക്കേല്പ്പിച്ച കേസിലെ പ്രതിയുടെ സഹോദരനായ ഉണ്ണിയാല് പുതിയ കടപ്പുറത്തെ ആലിഹാജിന്റെ പുരക്കല് അര്ഷാദ് ബാബുവിനെ കൂട്ടായിയില് വച്ച് വാളും മറ്റു മാരകായുധങ്ങളുമായി വന്ന് വധിക്കാന് ശ്രമിച്ചുവെന്നാണ് കേസ്. 2018 മെയ് 12ന് വൈകീട്ട് ഏഴുമണിക്കായിരുന്നു സംഭവം.
കേസില് വേറേയും പ്രതികളുണ്ട്.സംഭവ ശേഷം മുസ്തഫ വിദേശത്തേക്ക് കടന്നു. നാട്ടിലേക്ക് വരുന്ന വിവരം അറിഞ്ഞ പൊലീസ് ഇയാളെ കരിപ്പൂരില് വിമാനം ഇറങ്ങിയ ഉടന് കസ്റ്റഡിയിലെടുത്ത് അറസ്റ്റ് രേഖപ്പെടുത്തുകയായിരുന്നു. തിരൂര് ജുഡീഷ്യല് ഒന്നാം ക്ലാസ് മജിസ്ട്രേട്ട് കോടതിയില് ഹാജരാക്കിയ പ്രതിയെ റിമാന്റ് ചെയ്തു.
https://www.facebook.com/Malayalivartha