മേലാല് വരരുത് പ്ലീസ്... തണുത്ത് തുടങ്ങിയ ലക്ഷദ്വീപിലേക്ക് എംപിമാര് എന്തിനെത്തുന്നു; തടയിട്ട് ലക്ഷദ്വീപ് ഭരണകൂടം; എം.പിമാരുടെ ലക്ഷദ്വീപ് സന്ദര്ശനത്തിന് പിന്നില് രാഷ്ട്രീയ ലക്ഷ്യം, ക്രമസമാധാന പ്രശ്നം ഉണ്ടാക്കും, യാത്രാനുമതി നിഷേധിച്ച് കളക്ടര്
ലക്ഷദ്വീപ് ഇപ്പോള് സാധാരണ ജീവിതത്തിലേക്ക് പോകുകയാണ്. അതിനിടയിലാണ് കേരള എംപിമാരുടെ സന്ദര്ശനം വീണ്ടും ചര്ച്ചയാകുന്നത്. ലക്ഷദ്വീപിലേക്ക് യാത്രാനുമതി തേടിയുള്ള കോണ്ഗ്രസ് എം.പിമാരുടെ അപേക്ഷ ലക്ഷദ്വീപ് ഭരണകൂടം നരസിച്ചു.
കോണ്ഗ്രസ് എം.പിമാരായ ഹൈബി ഈഡനും ടി.എന്. പ്രതാപനുമാണ് ലക്ഷദ്വീപ് സന്ദര്ശിക്കാന് അപേക്ഷ നല്കിയത്. എം.പിമാരുടെ സന്ദര്ശനം ക്രമസമാധാന പ്രശ്നമുണ്ടാക്കുമെന്ന് കളക്ടര് പറയുന്ന. രാഷ്ട്രീയ ലക്ഷ്യമാണ് സന്ദര്ശനത്തിന് പിന്നിലെന്നും കളക്ടര് വ്യക്തമാക്കി. അതേസമയം കളക്ടറുടെ നടപടിക്കെതിരെ അപ്പീല് സമര്പ്പിക്കുമെന്ന് എം.പിമാര് അറിയിച്ചു.
ലക്ഷദ്വീപിലെ പുതിയ അഡ്മിനിസ്ട്രേറ്റര് പ്രഫുല് ഖോഡ പട്ടേലിന്റെ പരിഷ്കരണ നടപടിയുമായി ബന്ധപ്പെട്ട് പരക്കെ പ്രതിഷേധം ഉയര്ന്നിരുന്നു. സംഭവുമായി ബന്ധപ്പെട്ടുള്ള പരാമര്ശത്തിന്റെ പേരില് ചലച്ചിത്ര പ്രവര്ത്തക ആയിഷ സുല്ത്താനയ്ക്കെതിരെ രാജ്യദ്രോഹത്തിന് കേസെടുക്കുകയും ചെയ്തിരുന്നു.
അതേസമയം ലക്ഷദ്വീപില് വിവിധ വകുപ്പുകളിലെ താത്കാലിക ജീവനക്കാരെ കൂട്ടത്തോടെ പിരിച്ചുവിട്ടു. ടൂറിസം, സ്പോര്ട്ട്സ് വകുപ്പുകളിലെ 151 താത്കാലിക ജീവനക്കാരെയാണ് പിരിച്ചു വിട്ടത്.സാമ്പത്തിക സ്ഥിതി മോശമായതിനാലാണ് നടപടിയെന്നാണ്ലക്ഷദ്വീപ് ഭരണകൂടത്തിന്റെ വിശദീകരണം.
ചലച്ചിത്ര പ്രവര്ത്തക ആയിഷ സുല്ത്താനക്കെതിരായ രാജ്യദ്രോഹക്കേസ് അന്വേഷണത്തിന് സ്റ്റേ ഇല്ല. കേസ് അന്വേഷണം പ്രാരംഭഘട്ടത്തിലാണ്. അതിനാല് ഇപ്പോള് കേസ് റദ്ദാക്കാനാവില്ല.
അന്വേഷണത്തിന് കൂടുതല് സമയം നല്കണമെന്നും ഹൈക്കോടതി അഭിപ്രായപ്പെട്ടു.
അന്വേഷണം അടിയന്തരമായി സ്റ്റേ ചെയ്യണമെന്ന് ആവശ്യപ്പെട്ടാണ് ലക്ഷദ്വീപ് സ്വദേശിയായ ആയിഷ സുല്ത്താന കോടതിയെ സമീപിച്ചത്. കേസിന്റെ അന്വേഷണ പുരോഗതി രണ്ടാഴ്ചയ്ക്കകം അറിയിക്കാന് ലക്ഷദ്വീപ് പൊലീസിന് ഹൈക്കോടതി നിര്ദേശം നല്കി.
ഹര്ജിയെ എതിര്ത്ത ലക്ഷദ്വീപ് ഭരണകൂടം, ഹര്ജി തള്ളണമെന്ന് കോടതിയില് ആവശ്യപ്പെട്ടു. രണ്ടാഴ്ചയ്ക്കുശേഷം ഹര്ജി വീണ്ടും പരിഗണിക്കുമെന്ന് കോടതി അറിയിച്ചു. നേരത്തെ ആയിഷ സുല്ത്താനയ്ക്ക് മുന്കൂര് ജാമ്യം അനുവദിച്ചുകൊണ്ട്, രാജ്യദ്രോഹക്കേസ് നിലനില്ക്കില്ലെന്ന് കോടതി നിരീക്ഷിച്ചിരുന്നു.
ലക്ഷദ്വീപ് വിഷയത്തിലെ സ്വന്തം അനുഭവങ്ങള് പശ്ചാത്തലമാക്കി സിനിമ സംവിധാനം ചെയ്യുമെന്ന് ആയിഷ സുല്ത്താന വ്യക്തമാക്കിയിരുന്നു. സിനിമാരൂപത്തില് അവതരിപ്പിക്കപ്പെടുമ്പോള് താന് കടന്നുപോയ പ്രതിസന്ധികളെപ്പറ്റി ആളുകള്ക്കു വ്യക്തമായി മനസ്സിലാക്കാനാവുമെന്നും അവര് പറഞ്ഞു. തീവ്രവാദിയാക്കാന് ശ്രമിച്ചാല് മിണ്ടാതിരിക്കില്ലെന്നും മറ്റു രാജ്യങ്ങളുമായി ബന്ധമുണ്ടെന്നും അവിടെനിന്നു പണം വരുന്നുണ്ടെന്നും സ്ഥാപിക്കാനുള്ള ശ്രമമാണു തന്നെ ചോദ്യം ചെയ്തതിലൂടെ പൊലീസ് നടത്തിയതെന്നും ആയിഷ അഭിപ്രായപ്പെട്ടു.
അഡ്മിനിസ്ട്രേറ്റര് പ്രഫുല് ഖോഡ പട്ടേലിനു തനി ബിസിനസ് താല്പര്യങ്ങളാണ്. മറ്റ് എവിടെയോ പരീക്ഷിച്ച മാതൃക ദ്വീപില് കോപ്പി പേസ്റ്റ് ചെയ്യാനാണ് അദ്ദേഹം ശ്രമിക്കുന്നത്.
സ്വന്തം മകന്റെയും കുടുംബത്തിന്റെയും ബിസിനസ് താല്പര്യങ്ങളാണ് അദ്ദേഹത്തിന്റെ പ്രേരണ. മുന് അഡ്മിനിസ്ട്രേറ്റര്മാര് ആരും ഒരു പ്രശ്നവും ഉണ്ടാക്കിയിട്ടില്ല. അഡ്മിനിസ്ട്രേറ്ററെ മോദി സര്ക്കാര് മാറ്റും എന്നുതന്നെയാണു പ്രതീക്ഷ. ദ്വീപില് വികസനം വരണം എന്നുതന്നെയാണ് ആഗ്രഹം. പക്ഷേ, അതു ദ്വീപിനു താങ്ങുന്നതില് കൂടുതല് ആകരുതെന്നും ആയിഷ പറഞ്ഞു.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
