ലോക്ഡൗണ്‍ തുടരും..... കൂടുതല്‍ ഇളവുകള്‍ കൊവിഡ് വ്യാപനം കുറഞ്ഞാല്‍ മാത്രം..... സര്‍ക്കാര്‍ സ്ഥാപനങ്ങളില്‍ മുഴുവന്‍ ജീവനക്കാര്‍ക്കും ജോലിക്കെത്താം, എല്ലാ കടകളും ഏഴ് മുതല്‍ എഴു വരെ പ്രവര്‍ത്തിക്കാം, കോവിഡ് നിയന്ത്രണം പുതുക്കിയതിങ്ങനെ......

കൊവിഡ് വ്യാപനം പത്തു ശതമാനത്തില്‍ താഴെനില്‍ക്കുന്ന പ്രദേശങ്ങളിലെ സര്‍ക്കാര്‍, അര്‍ദ്ധസര്‍ക്കാര്‍ സ്ഥാപനങ്ങളില്‍ മുഴുവന്‍ ജീവനക്കാരും ഹാജരാകണമെന്ന് മുഖ്യമന്ത്രി പിണറായി വിജയന്റെ അദ്ധ്യക്ഷതയില്‍ ചേര്‍ന്ന കൊവിഡ് അവലോകനയോഗം നിര്‍ദ്ദേശിച്ചു.

497 തദ്ദേശ സ്ഥാപന പരിധിയിലാണ് ഇതു ബാധകമാവുന്നത്. തിരുവനന്തപുരം കോര്‍പ്പറേഷന്‍ മേഖലയില്‍ വരുന്ന എല്ലാ സര്‍ക്കാര്‍ ഓഫീസുകളും ഇതു പ്രകാരം പൂര്‍ണതോതില്‍ പ്രവര്‍ത്തിക്കും. എന്നാല്‍,സന്ദര്‍ശകര്‍ക്ക് നിയന്ത്രണമുണ്ടാവും. ഹോട്ടലുകളുടെ പ്രവര്‍ത്തനസമയം രാത്രി 9.30വരെയാക്കി.

കൂടുതല്‍ ഇളവുകള്‍ കൊവിഡ് വ്യാപനം കുറഞ്ഞാല്‍ മാത്രം നല്‍കിയാല്‍ മതിയെന്നും പ്രതിവാര അവലോകനയോഗം തീരുമാനിച്ചു. നാളെ മുതല്‍ ഒരാഴ്ചത്തേക്കുകൂടി ലോക്ക് ഡൗണ്‍ നീട്ടി. ടി.പി.ആര്‍.10 ശതമാനത്തില്‍ കുറയാതെ നിലനില്‍ക്കുന്ന സാഹചര്യത്തിലാണിത്. 

പ്രവാസികള്‍ക്കുള്ള വാക്‌സിനേഷന്‍ സര്‍ട്ടിഫിക്കറ്റില്‍ കേന്ദ്രസര്‍ക്കാരിന്റെ മുദ്രയും വാക്‌സിന്‍ ബാച്ച് നമ്പരും പതിപ്പിക്കുന്നത് ഉറപ്പാക്കും. മെഡിക്കല്‍ കോളേജുകളിലെ ഭക്ഷണ ശാലകളിലടക്കം കൊവിഡ് മാനദണ്ഡങ്ങള്‍ പാലിക്കണം.


രോഗനിരക്കും നിയന്ത്രണവും എ: ടി.പി.ആര്‍. 5% വരെ, 82 തദ്ദേശസ്ഥാപനങ്ങള്‍ ബി: ടി.പി.ആര്‍.5-10% . 415 തദ്ദേശസ്ഥാപനങ്ങള്‍ സി: ടി.പി.ആര്‍. 10-15% 362 തദ്ദേശസ്ഥാപനങ്ങള്‍ഡി: ടി.പി.ആര്‍. 15%ല്‍ കൂടുതല്‍ 175 തദ്ദേശസ്ഥാപനങ്ങള്‍

ഇളവുകള്‍ എ, ബി-സര്‍ക്കാര്‍ ഓഫീസുകളില്‍ മുഴുവന്‍ ജീവനക്കാരും ഹാജരാകണം- റെസ്റ്റോറന്റുകള്‍, ഹോട്ടലുകള്‍ എന്നിവയ്ക്ക് ഹോം ഡെലിവറി, ടേക്ക് എവേ സംവിധാനത്തില്‍ രാത്രി 9.30 വരെ പ്രവര്‍ത്തിക്കാം.- ഇന്‍ഡോര്‍ ഗെയിമുകള്‍ക്കും ജിമ്മുകള്‍ക്കും എ സി ഒഴിവാക്കി പ്രവര്‍ത്തിക്കാം.

ഒരേ സമയം 20പേരില്‍ കുടുതല്‍ പാടില്ല-വിനോദ സഞ്ചാര മേഖലകളിലെ താമസ കേന്ദ്രങ്ങള്‍ പ്രവര്‍ത്തിക്കാം. വാക്‌സിന്‍ എടുത്തവര്‍ക്കും ആര്‍. ടി. പി. സി. ആര്‍ നെഗറ്റീവ് സര്‍ട്ടിഫിക്കറ്റുമായി വരുന്നവര്‍ക്കുമായിരിക്കും രണ്ടിടത്തും പ്രവേശനം.

സി-സര്‍ക്കാര്‍ ഓഫീസുകളില്‍ 50 % ജീവനക്കാര്‍ മാത്രം. നിലവിലുള്ള മറ്റ് നിയന്ത്രണങ്ങള്‍ അതേ പടി തുടരും.-ഡി വിഭാഗത്തിലുള്ളടതത് ട്രിപ്പിള്‍ ലോക്ക്ഡൗണ്‍ ആയിരിക്കും.

പ്രതിദിന പോസിറ്റിവിറ്റി നിരക്ക് 15 ശതമാനത്തില്‍ കൂടുതലുള്ള പ്രദേശങ്ങളില്‍ ട്രിപ്പിള്‍ ലോക്ക് ഡൗണ്‍ പ്രഖ്യാപിച്ചു. 175 തദ്ദേശസ്ഥാപനങ്ങളില്‍ ഇത് ബാധകമാണ്.

ശനി,ഞായര്‍ വാരാന്ത്യ ലോക്ക് ഡൗണ്‍ തുടരും. ആള്‍ക്കൂട്ടം അനുവദിക്കില്ല. താല്‍ക്കാലിക ജീവനക്കാരെ ഈ ഘട്ടത്തില്‍ പിരിച്ചുവിടാന്‍ പാടില്ല.