എസ്.ഐ ആനി ശിവക്കെതിരായ ഫെയ്‌സ്ബുക്ക് പോസ്റ്റില്‍ അഭിഭാഷകയായ സംഗീത ലക്ഷ്മണക്കെതിരേ പോലീസ് കേസെടുത്തു

ജീവിതത്തില്‍ അഭിമുഖീകരിച്ച പല പ്രശ്‌നങ്ങളെയും മറികടന്ന് വമ്പന്‍ ഒരു സ്ഥാനം സമൂഹത്തില്‍ നേടിയെടുത്ത വ്യക്തിയാണ് ആനി ശിവ. അവരുടെ ജീവിതം പലര്‍ക്കും ഒരു പ്രചോദനമായി കഴിഞ്ഞു. എന്നാല്‍ അവര്‍ക്കെതിരെ കുശുമ്പ് മൂത്ത് അസഭ്യം പറഞ്ഞ് ശ്രദ്ധ നേടിയെടുക്കാന്‍ ശ്രമിച്ച അഭിഭാഷക സംഗീത ലക്ഷ്മണ ക്കെതിരെ കുരുക്ക് മുറുക്കി പോലീസ്.

എസ്.ഐ ആനി ശിവക്കെതിരായ ഫെയ്‌സ്ബുക്ക് പോസ്റ്റില്‍ അഭിഭാഷകയായ സംഗീത ലക്ഷ്മണക്കെതിരേ പോലീസ് കേസെടുത്തു. എറണാകുളം സെന്‍ട്രല്‍ പോലീസാണ് കേസ് രജിസ്റ്റര്‍ ചെയ്തത്. ഐ.പി.സി. 509, ഐ.ടി. ആക്ട് വകുപ്പുകള്‍ പ്രകാരമാണ് കേസെടുത്തിരിക്കുന്നത്.

ആനി ശിവയെ അധിക്ഷേപിക്കുന്ന സംഗീത ലക്ഷ്മണയുടെ ഫെയ്‌സ്ബുക്ക് പോസ്റ്റുകള്‍ കഴിഞ്ഞദിവസങ്ങളില്‍ സാമൂഹികമാധ്യമങ്ങളിലും ചര്‍ച്ചയായിരുന്നു. തുടരെത്തുടരെ മൂന്ന് പോസ്റ്റുകളാണ് അവര്‍ ആനി ശിവയ്ക്കെതിരെ ഇവയ്‌ക്കെതിരെ തൊടുത്തുവിട്ടത.

മുന്നില്‍ ഉയര്‍ന്നുനിന്ന സകല പ്രതിസന്ധികളെയും മറികടന്ന് പോലീസില്‍ സബ് ഇന്‍സ്‌പെക്ടറായ ആനി ശിവയെ വ്യക്തിപരമായി അധിക്ഷേപിക്കുന്നതായിരുന്നു ഫെയ്‌സ്ബുക്ക് പോസ്റ്റുകള്‍. സംഗീത ക്കെതിരെ സാമൂഹികമാധ്യമങ്ങളില്‍ വിമര്‍ശനവും ഉയര്‍ന്നു.

ആനി ശിവ യെക്കുറിച്ച് സംഗീത പറഞ്ഞത് ഇങ്ങനെ...

''വീട്ടുകാരെ ചതിച്ച് കൊണ്ട്, കട്ടകഴപ്പ് മൂത്ത് കണ്ടവന്റെ കൂടെ ഒളിച്ചോടി പോയി കൊച്ചിനെ പെറ്റുണ്ടാക്കിയവള്‍ സ്വന്തം കൈയ്യിലിരിപ്പിന്റെ ദോഷം, വഴിവിട്ട ജീവിതം ജീവിച്ചത് കൊണ്ട് പെരുവഴിയിലായവള്‍, ആണ്‍വേഷം കെട്ടി തേരാ പാരാ നടന്ന് നാരങ്ങാവെള്ളം വിറ്റ് നടന്നവള്‍ പിന്നീട് ജടഇ ടെസ്റ്റ് എഴുതി പാസായി ടക സെലക്ഷന്‍ നേടുന്നു. എന്നിറ്റവള്‍ ദാ ഇപ്പോ എന്റെ സംരക്ഷണ ചുമതല ഏറ്റെടുക്കാനായി ഇവിടെ കൊച്ചി സെന്‍ട്രല്‍ പോലീസ് സ്റ്റേഷനിലേക്ക് എഴുന്നെള്ളുന്നു പോലും ' തുടങ്ങിയ രീതിയിലാണ് സംഗീത പോസ്റ്റ് പങ്കുവെച്ചത്.
എന്നാല്‍ ഇവരുടെ പോസ്റ്റിന് കിടിലന്‍ മറുപടി ആയിരുന്നു ആനി ശിവ നല്‍കിയത്.
ആ
മറുപടി ഇങ്ങനെയായിരുന്നു.


ഇത്രയും കാലവും എന്നെ എല്ലാവരും വിമര്‍ശിക്കുകയായിരുന്നു. ആരാണ് പിന്തുണച്ചത്. അത് കൊണ്ട് ഇതൊന്നും എന്നെ ബാധിക്കുന്നില്ല. പിന്നെ ഓരോരുത്തര്‍ അവരവരുടെ സംസ്‌കാരവും ജീവിതരീതിയും വച്ച് ഓരോന്ന് പറയും. അവരവരുടെ ബുദ്ധിയും ചിന്തകളും വച്ചത് അവര്‍ പോസ്റ്റിടുന്നു. അതിന്റെ പിന്നാലെ പോകാനോ കേസ് നടത്താനോ താല്‍പര്യമില്ല. അതിന്റെ ആവശ്യമില്ല. അര്‍ഹിക്കുന്ന അവജ്ഞതയോടെ തള്ളുകയാണ്. എനിക്ക് അതിന്റെ പിന്നാലെ പോകേണ്ട കാര്യമില്ല. ആവശ്യമില്ലാത്തതിന്റെ പുറകെ പോകാന്‍ എനിക്ക് സമയമില്ല. എനിക്കെന്റെ മകനുണ്ട്. ജോലിയുണ്ട്. ജീവിതമുണ്ട്. വ്യക്തിപരമായി പരാതി കൊടുക്കാന്‍ താല്‍പര്യമില്ല. പക്ഷെ ഡിപ്പാര്‍ട്ട്മെന്റ് ആവശ്യപ്പെട്ടാന്‍ പരാതിയുമായി സഹകരിക്കും.'

ജീവിത സാഹചര്യങ്ങളെ നേരിട്ടാണ് കേരളാ പൊലീസില്‍ എസ്ഐ പദവിയിലേക്ക് ആനി ശിവ എത്തിയത്. വീട്ടുകാരാലും ഭര്‍ത്താവിനാലും തിരസ്‌കരിക്കപ്പെട്ട് ആറുമാസം പ്രായമുള്ള കൈക്കുഞ്ഞിനെയും കൊണ്ട് പതിനെട്ടാമത്തെ വയസ്സില്‍ തെരുവിലായ പെണ്‍കുട്ടിയായിരുന്നിടത്ത് നിന്നും എസ്ഐ എന്ന നിലയിലേക്കുള്ള തന്റെ വളര്‍ച്ച വ്യക്തമാക്കി ആനി തന്നെയായിരുന്നു ഫേസ്ബുക്കില്‍ കുറിപ്പ് പോസ്റ്റ് ചെയ്തത്.

കേരളത്തില്‍ ഭര്‍തൃപീഡന വാര്‍ത്തകള്‍ ചര്‍ച്ചകളില്‍ നിറയുമ്പോഴാണ് ആനിയുടെ അതിജീവനം പുറത്ത് വരുന്നത്.
ഒരുകാലത്ത് ജീവിതം മുന്നോട്ടുകൊണ്ടുപോകാനായി നാരങ്ങാവെള്ളം വിറ്റുനടന്നിരുന്ന വര്‍ക്കലയില്‍ എസ്.ഐ.യായി ചാര്‍ജെടുത്തതോടെയാണ് ആനി ശിവയുടെ ജീവിതകഥ പുറംലോകമറിയുന്നത്. നിലവില്‍ എറണാകുളം സെന്‍ട്രല്‍ പോലീസ് സ്റ്റേഷനിലാണ് ആനി ശിവ ജോലിചെയ്യുന്നത്.