സംസ്ഥാനത്ത് ബാറുകളില് ഇന്ന് മുതല് മദ്യവില്പ്പന; വെയര്ഹൗസ് നികുതി 25 ശതമാനത്തില് നിന്ന് 13 ശതമാനമാക്കി കുറയ്ക്കാന് സര്ക്കാരിന്റെ തീരുമാനം, തര്ക്കം തീര്ന്നു; വെയര്ഹൗസ് ലാഭവിഹിതം കുറച്ച് സർക്കാർ
സംസ്ഥാനത്ത് ബാറുകളില് ഇന്ന് മുതല് മദ്യവില്പ്പന പുനരാരംഭിക്കുമെന്ന് റിപ്പോർട്ട്. അതോടൊപ്പം തന്നെ വെയര്ഹൗസ് നികുതി 25 ശതമാനത്തില് നിന്ന് 13 ശതമാനമാക്കി കുറയ്ക്കാന് സര്ക്കാര് തീരുമാനിക്കുകയുണ്ടായി. ബാറുടമകളുമായി സര്ക്കാര് നടത്തിയ ചര്ച്ചയിലാണ് തീരുമാനം കൈകൊണ്ടത്.
അതേസമയം കോവിഡ് വ്യാപനത്തിന്റെ പശ്ചാത്തലത്തില് ബിവറേജസിന് മുന്നിലെ നീണ്ട നിരയുമായി ബന്ധപ്പെട്ട് സംസ്ഥാന സര്ക്കാരിനെ ഹൈക്കോടതി വിമര്ശിച്ചിരുന്നു. കല്യാണത്തിന് 20 പേര് മതിയെന്ന് നിഷ്കര്ഷിക്കുന്ന സര്ക്കാര് ബിവറേജസിന് മുന്നിലെ നീണ്ട നിര ഒഴിവാക്കാന് നടപടി സ്വീകരിക്കാത്തതാണ് വിമര്ശനത്തിന് ഇടയാക്കിയത് തന്നെ. ഈ പശ്ചാത്തലത്തിലാണ് ബാറുകളിലെ മദ്യവില്പ്പന പുനരാരംഭിക്കുന്നതിന് സര്ക്കാര് അടിയന്തര നടപടി സ്വീകരിച്ചത്.
കൂടാതെ വെയര്ഹൗസ് നികുതി 25 ശതമാനത്തില് നിന്ന് 13 ശതമാനമാക്കി കുറച്ചാണ് പ്രശ്നത്തിന് പരിഹാരം കണ്ടത്. ഇതിന്റെ അടിസ്ഥാനത്തില് ബാറുകള് വഴി മദ്യം പാര്സലായി നല്കുന്നത് പുനരാരംഭിക്കാന് ബാറുടമകള് തീരുമാനിക്കുകയും ചെയ്തു.
അതേസമയം വെയര്ഹൗസ് നികുതി എട്ടുശതമാനത്തില് നിന്ന് 25 ശതമാനമാക്കി ഉയര്ത്തിയതില് പ്രതിഷേധിച്ച് ബാറുകള് ദീര്ഘകാലം അടച്ചിട്ടിരുന്നു. വെയര്ഹൗസ് ചാര്ജ് അടിയന്തരമായി കുറയ്ക്കണമെന്നതായിരുന്നു ഇവരുടെ ആവശ്യം. അതിനിടെ ബിയറും വൈനും ബാറുകള് വഴി നല്കാന് തുടങ്ങിയെങ്കിലും മദ്യവില്പ്പന പുനരാരംഭിച്ചിരുന്നില്ല. പ്രശ്നം പരിഹരിക്കാന് സര്ക്കാര് ഇടപെട്ട പശ്ചാത്തലത്തിലാണ് മദ്യവില്പ്പനയും പുനരാരംഭിക്കുന്നത്. വെയര്ഹൗസ് നികുതി എട്ടുശതമാനമാക്കിയില്ലെങ്കിലും 25 ശതമാനത്തില് നിന്ന് 13 ശതമാനമാക്കി കുറച്ച പശ്ചാത്തലത്തിലാണ് മദ്യവില്പ്പന പുനരാരംഭിക്കാന് ബാറുകള് തീരുമാനിച്ചത്.
https://www.facebook.com/Malayalivartha
