നടനും സീരിയല്‍ താരവുമായ ആദിത്യന്‍ ജയനും ഭാര്യയും നടിയുമായ അമ്പിളിദേവിയും ഒരു സമയത്ത് വാർത്തകളിൽ നിറഞ്ഞ് നിന്നിരുന്നതായിരുന്നു ഇവരുടെ കുടുംബപ്രശ്നങ്ങളും മറ്റും.

ഒട്ടും സഹിക്കാനാകാതെ കാര്യങ്ങൾ വെളിപ്പെടുത്തിയതോടെ കാര്യങ്ങൾ സൈബർ ലോകം ഏറ്റെടുത്തിരുന്നു. ശേഷം കോടതിയും വഴക്കുമായി നീണ്ടു പോവുകയായിരുന്നു.

ഇപ്പോൾ അമ്പിളി ദേവി നല്‍കിയ പരാതിയില്‍ ആദിത്യന് മുന്‍കൂര്‍ ജാമ്യം അനുവദിച്ച് ഹൈക്കോടതി ഉത്തരവിറക്കിയിരിക്കുകയാണ്.

ആദിത്യന് ജയിൽ ശിക്ഷ ലഭിക്കും എന്ന ഉറച്ച വിശ്വാസത്തോടെയായിരുന്നു അമ്പളിയും ബന്ധുക്കളും ഇരുന്നിരുന്നത്. എന്നാൽ ഇപ്പോൾ അവർക്ക് ചെറിയ തോതിൽ നിരാശയാണ് ഇപ്പോൾ ലഭിച്ചിരിക്കുന്നത്.

കര്‍ശന ഉപാധികളോടെ ആണ് ജാമ്യം. ഗാര്‍ഹിക പീഡന പരാതിയില്‍ ചൊവ്വാഴ്ച ചവറ പോലീസിനു മുന്നില്‍ ഹാജരാകണം. അറസ്റ്റ് ചെയ്താല്‍ ആദിത്യന് ജാമ്യം അനുവദിക്കണമെന്നും ഹൈക്കോടതി ഉത്തരവിട്ടു. അമ്പിളി ദേവിയെ അപകീര്‍ത്തിപ്പെടുത്തരുതെന്ന് മുന്നറിയിപ്പ് നല്‍കിയാണ് ആദിത്യന് ജാമ്യം നല്‍കിയത്.

സ്ത്രീത്വത്തെ അപമാനിച്ചതിനു ഗാര്‍ഹിക പീഡനത്തിനുമാണ് അമ്പിളി ദേവി പരാതി നല്‍കിയത്. സൈബര്‍ സെല്ലിനും കരുനാഗപ്പള്ളി എസിപിക്കുമാണ് പരാതി നല്‍കിയത്. ഇല്ലാത്ത കാര്യങ്ങള്‍ പറഞ്ഞ് തന്റെ സ്ത്രീത്വത്തെ അപമാനിക്കാനാണ് ആദിത്യന്‍ ശ്രമിക്കുന്നതെന്നും അമ്പിളിദേവി പരാതിയിൽ ആരോപിക്കുന്നുണ്ടായിരുന്നു.

തന്നെയും മാതാപിതാക്കളെയും കൊല്ലുമെന്ന് ആദിത്യന്‍ ഭീഷണിപ്പെടുത്തിയെന്നും കൂടുതല്‍ സ്ത്രീധനം ആവശ്യപ്പെട്ട് പീഡിപ്പിച്ചെന്നും ആരോപിച്ച് അമ്പിളിദേവി നല്‍കിയ പരാതിയില്‍ ചവറ പൊലീസാണ് കേസെടുത്തത്.

തുടര്‍ന്നാണ് ആദിത്യന്‍ ഹൈക്കോടതിയില്‍ മുന്‍കൂര്‍ ജാമ്യാപേക്ഷ നല്‍കിയത്. ആദിത്യനെ അറസ്‌റ്റ് ചെയ്യുന്നത് തടഞ്ഞുകൊണ്ടുള്ള ഇടക്കാല ഉത്തരവിന്‍റെ കാലാവധി നേരത്തെ ജൂലായ് ഏഴുവരെ നീട്ടിയിരുന്നു. ആദിത്യൻ ചൊവാഴ്‌ച ചവറ പൊലീസ് സ്‌റ്റേഷനില്‍ ഹാജരാകണം.

ഭാര്യയെന്നോ അമ്മയെന്നോ സ്ത്രീയെന്നോ പരിഗണനയില്ലാതെ തന്നെ മാനസികമായി പീഡിപ്പിച്ചു. ഇല്ലാത്തെ തെളിവുകൾ ഉണ്ടെന്നു പറഞ്ഞായിരുന്നു അപമാനിക്കൽ. അത്രയും ക്രൂരമായ പീഡനം അനുഭവിച്ചു. നിയമത്തിന്റെ വഴിയിൽ പോകാനാണു തീരുമാനം.

എന്നാൽ, ഉന്നത ഉദ്യോഗസ്ഥരുമായി ബന്ധമുണ്ടെന്നും തന്നെ ഒന്നും ചെയ്യാനില്ലെന്നുമാണ് ആദിത്യന്റെ വെല്ലുവിളി. പക്ഷേ, തനിക്കു നിയമത്തിൽ വിശ്വാസമുണ്ടെന്നും അമ്പിളി ദേവി പറഞ്ഞു. നിയമപരമായ നടപടികളിൽ നിന്നു പിന്നോട്ടില്ലെന്നും അമ്പിളി ദേവി പറഞ്ഞിരുന്നു.

ആദിത്യനുമായുള്ള വിവാഹബന്ധം തകര്‍ച്ചയുടെ വക്കിലെന്ന് വെളിപ്പെടുത്തി താരവും നര്‍ത്തകിയുമായ അമ്പിളി ദേവി രംഗത്തു വന്നതിനു പിന്നാലെ ആദിത്യന്‍ ജയനെ ആത്മഹത്യയ്ക്ക് ശ്രമിച്ച നിലയില്‍ തൃശ്ശൂര്‍ സ്വരാജ് റൗണ്ടില്‍ കണ്ടെത്തിയിരുന്നു. കൈ ഞരമ്പ് മുറിച്ച നിലയിലാണ് ആദിത്യന്‍ ജയനെ കണ്ടെത്തിയത്.

ആദിത്യന്‍ തന്നെ ഉപേക്ഷിച്ചതു പോലെയാണെന്നും ഇപ്പോള്‍ തൃശൂരിലുള്ള ഒരു സ്ത്രീയുമായി പ്രണയത്തിലാണെന്നും താന്‍ വിവാഹമോചനം കൊടുക്കണമെന്നാണ് ആവശ്യമെന്നും അമ്പിളി ദേവി വെളിപ്പെടുത്തിയിരുന്നു. അതോടെയാണ് അമ്പിളി ദേവിയുടെയും ആദിത്യന്‍ ജയന്റെയും കുടുംബപ്രശ്നങ്ങള്‍ സമൂഹമാധ്യമങ്ങളില്‍ വാര്‍ത്തയായത്.