'ഇത്രേം വലിയ ശിക്ഷയൊന്നും വേണ്ടിയിരുന്നില്ല' -കരുവന്നൂര് ബാങ്ക് തട്ടിപ്പ് കേസില് സിപിഎമ്മിനെ ട്രോളി വി.ടി. ബല്റാം രംഗത്ത്
കരുവന്നൂര് ബാങ്ക് തട്ടിപ്പ് കേസിലെ പ്രതികളെ സിപിഎം പുറത്താക്കുമെന്ന വാര്ത്തയെ ട്രോളി വി.ടി ബല്റാം. ഇത്ര വലിയ ശിക്ഷ വേണ്ടിയിരുന്നില്ല എന്നായിരുന്നു ബല്റാമിന്റെ പ്രതികരണം. നേരത്തെ മുഖ്യമന്ത്രി പിണറായി വിജയനെ ദൈവമായി ചിത്രീകരിച്ച് വച്ച ഫ്ലെക്സിനെ ട്രോളി വി.ടി. ബല്റാമിന്റെ ' പച്ചരി വിജയന് ' പരാമര്ശം സമൂഹ മാധ്യമങ്ങളില് വലിയ ചര്ച്ചയ്ക്കും വിമര്ശനത്തിനും ഇടയാക്കിയിരുന്നു. അതിനു പിന്നാലെയാണ് ഈ പരാമര്ശവും.
കരുവന്നൂര് ബാങ്ക് തട്ടിപ്പ് കേസില് മുഖ്യപ്രതികളെ ഇന്ന് വൈകുന്നേരമാണ് പൊലീസ് കസ്റ്റഡിയിലെടുത്തത്.. ബാങ്ക് മുന് സെക്രട്ടറി സുനില് കുമാര്, മുന് മാനേജര് ബിജു കരീം, ഇടനിലക്കാരന് ബിജോയ്, അക്കൗണ്ടന്റ് ജില്സ് എന്നിവരാണ് പിടിയിലായത്.
അയന്തോളിയിലെ ഫ്ളാറ്റില് നിന്നാണ് നാലു പേരെയും കസ്റ്റഡിയിലെടുത്തത്. കഴിഞ്ഞ ദിവസം അയ്യന്തോളിലെ ഒരു സൂപ്പര്മാര്ക്കറ്റില് പ്രതികള് എത്തിയതിന്റെ സിസിടിവി ദൃശ്യങ്ങള് പൊലീസിനു ലഭിച്ചിരുന്നു. തുടര്ന്ന് നടത്തിയ അന്വേഷണത്തിലാണ് പ്രതികള് പിടിയിലായത്.
പ്രതികളുടെ വീട്ടില് രാവിലെ ക്രൈംബ്രാഞ്ച് റെയ്ഡ് നടത്തിയിരുന്നു. ഇരിങ്ങാലക്കുട, പൊറത്തിശേരി, കൊരുമ്പിശേരി എന്നിവിടങ്ങളിലാണ് പരിശോധന നടന്നത്. ബിജോയിയുടെ വീട്ടില് നിന്ന് ആധാരം അടക്കമുള്ള രേഖകള് കണ്ടെടുത്തു. പല ആളുകളുടെ പേരിലുള്ള ആധാരങ്ങളാണ് കണ്ടെത്തിയത്. കസ്റ്റഡിയിലെടുത്ത പ്രതികളെ വീടുകളിലെത്തിച്ച് തെളിവെടുപ്പ് നടത്തിയതായും സൂചനയുണ്ട്.
100 കോടിയുടെ തട്ടിപ്പ് നടന്നുവെന്ന് കണ്ടെത്തിയ കരുവന്നൂര് ബാങ്കിലെ സിപിഎമ്മിന്റെ നേതൃത്വത്തിലുള്ള ഭരണ സമിതി സഹകരണ രജിസ്ട്രാര് നേരത്തെ പിരിച്ചു വിട്ടിരുന്നു. ഭരണ സമിതിക്കും തട്ടിപ്പിനെക്കുറിച്ച് അറിവുണ്ടായിരുന്നെന്നു മനസിലാക്കിയാണ് ഭരണസമിതി ജില്ലാ രജിസ്ട്രാര് പിരിച്ചു വിട്ടത്. മുകുന്ദപുരം അസിസ്റ്റന്റ് റജിസ്ട്രാര് (ജനറല്) എംസി അജിത്തിനെ കരുവന്നൂര് ബാങ്ക് അഡ്മിനിസ്ട്രേറ്ററായി ചുമതലപ്പെടുത്തുകയും ചെയ്തിട്ടുണ്ട്.
https://www.facebook.com/Malayalivartha
