മൊബൈല് കടയുടമയെയും ജീവനക്കാരനെയും വെട്ടിപ്പരിക്കേല്പ്പിച്ചയാള് പിടിയില്; കോടതിയില് ഹാജരാക്കിയ പ്രതിയെ റിമാൻഡ് ചെയ്തു
മൊബൈല് ഷോപ്പ് ഉടമയെയും, ജീവനക്കാരനെയും വെട്ടിപ്പരിക്കേല്പ്പിച്ച കേസില് പ്രതി പിടിയില്. വെള്ളല്ലൂര് ശിവന്മുക്ക് മാഹിന് മന്സിലില് ഫസലുദ്ദീന് (70) ആണ് അറസ്റ്റിലായത്.
നഗരൂര് ജങ്ഷന് സമീപം പ്രവര്ത്തിക്കുന്ന എം.എസ് മൊബൈല് ഷോപ്പ് ഉടമ ആല്ത്തറമൂട് വലിയ വിള വീട്ടില് സുനു (31), ജീവനക്കാരന് രാഹുല് (22) എന്നിവരെ വെട്ടിപ്പരിക്കേല്പ്പിച്ച കേസിലാണ് ഫസലുദ്ദീന് പിടിയിലായത്.
സംഭവത്തെക്കുറിച്ച് പൊലീസ് പറയുന്നത്: കഴിഞ്ഞ വെള്ളിയാഴ്ച ഫസലുദീന് മൊബൈല് ഫോണ് ശരിയാക്കാന് കൊടുത്തിരുന്നു. തിങ്കളാഴ്ച രാവിലെ മൊബൈല് വാങ്ങാന് എത്തിയപ്പോള് ശരിയായില്ലെന്ന് പറഞ്ഞതിനെ തുടര്ന്ന് കാറില് ഇരുന്ന വെട്ടുകത്തി എടുത്ത് കൊണ്ടുവന്ന് കട ഉടമയെയും ജീവനക്കാരനെയും വെട്ടുകയായിരുന്നു.
പരിക്കേറ്റ ഇരുവരെയും കേശവപുരം സി.എച്ച്.സി യില് പ്രവേശിപ്പിച്ചു. നഗരൂര് എസ്.ഐ ഷിജു, പൊലീസുകാരായ സംജിത്ത്, അഷ്റഫ്, പ്രവീണ്, രാജേഷ്, പ്രജീഷ് എന്നിവര് ചേര്ന്ന് അറസ്റ്റ് ചെയ്ത പ്രതിയെ കോടതിയില് ഹാജരാക്കി റിമാന്ഡ് ചെയ്തു.
https://www.facebook.com/Malayalivartha
