എടിഎം കൗണ്ടർ മെഷീനിൽ പണം നിറയ്ക്കാനെത്തിയത് വെട്ടുകത്തിയുമായി; പട്ടാപ്പകൽ ചിറയിൻകീഴിൽ എടിഎം കവർച്ച നടത്തുന്നതിനിടെ യുവാക്കൾ പിടിയിൽ
ചിറയിൻകീഴിലെ മഞ്ചാടിമൂട്-ശാർക്കര ബൈപ്പാസിലെ ഇന്ത്യ വൺ എടിഎംയിൽ കവർച്ച നടത്തുന്നതിനിടെ തിരുവന്തപുരം മണക്കാട് കമലേശ്വരത്ത് സന്തോഷ്നിവാസിൽ വിനീഷ്(28), തിരുവനന്തപുരം മുട്ടത്തറ പുതുവൽ പുത്തൻ വീട്ടിൽ പ്രമോദ്(22)എന്നിവർ അറസ്റ്റിലായി.
രാവിലെ ഒൻപതോടെ ബൈക്കില് എത്തിയ യുവാക്കള് സമീപ വീട്ടിലെത്തി എടിഎം സർവീസ് ചെയ്യാൻ എത്തിയവരാണെന്നു പരിചയപ്പെടുത്തി യന്ത്രത്തിന്റെ ബെൽറ്റ് പിടിച്ചിടുന്നതിനു വെട്ടുകത്തി വേണമെന്നു ആവശ്യപ്പെട്ടു. തുടർന്നു എടിഎം മുറിയിൽ കയറി ഷട്ടർ അടച്ചശേഷമായിരുന്നു കവർച്ചാശ്രമം.
ചിറയിൻകീഴിലെ മഞ്ചാടിമൂട്-ശാർക്കര ബൈപ്പാസിലെ ഇന്ത്യ വൺ എടിഎം കൗണ്ടർ മെഷീനിൽ പണം നിറയ്ക്കാനെത്തിയ സർവീസ് എക്സിക്യൂട്ടീവ് രമേശാണു ഷട്ടർ അടഞ്ഞു കിടക്കുന്നതായി കണ്ടെത്തിയത്.
ശബ്ദം കേട്ടു തുറന്നു നോക്കിയപ്പോഴാണു എടിഎം മെഷീൻ പൊളിക്കുന്നത് കണ്ടത്. പുറത്തിറങ്ങി ഷട്ടർ താഴ്ത്തി ചിറയിൻകീഴ് പൊലീസിനെ വിവരമറിയിക്കുകയായിരുന്നു. ബൈക്കിന്റെ റജിസ്ട്രേഷൻ നമ്പർ വ്യാജമാണെന്നു കണ്ടെത്തിയിട്ടുണ്ട്.
https://www.facebook.com/Malayalivartha