ഓപ്പറേഷന് രുചി: റെയ്ഡ് ശക്തമാക്കുമെന്നു മന്ത്രി
ഭക്ഷ്യവസ്തുക്കളിലെ രുചി കൂട്ടാനും മറ്റുമായി രാസപദാര്ഥങ്ങള് അമിതമായി ഉപയോഗിക്കുന്നതു തടയാന് \'ഓപ്പറേഷന് രുചി\'യുടെ ഭാഗമായി ബേക്കറികള്, ഹോട്ടലുകള്, റസ്റ്ററന്റുകള് ഉള്പ്പെടെ ഭക്ഷണശാലകളില് റെയ്ഡുകള് ശക്തമാക്കുമെന്നു മന്ത്രി വി.എസ്. ശിവകുമാര് അറിയിച്ചു.
ഭക്ഷ്യവസ്തുക്കള് വില്ക്കുന്ന മുഴുവന് സ്ഥാപനങ്ങള്ക്കും ഭക്ഷ്യസുരക്ഷാ ലൈസന്സോ, റജിസ്ട്രേഷനോ നിര്ബന്ധമാക്കുന്നതിന്റെ ഭാഗമായി സ്ക്വാഡ് പ്രവര്ത്തനം വ്യാപകമാക്കുമെന്നും ഭക്ഷ്യസുരക്ഷാ അവലോകന യോഗത്തിനു ശേഷം മന്ത്രി അറിയിച്ചു. റജിസ്ട്രേഷനും ലൈസന്സും നിര്ബന്ധമാക്കുന്നതിന്റെ ഭാഗമായി തിരുവനന്തപുരം, കോട്ടയം, ആലപ്പുഴ, പാലക്കാട് ജില്ലകളിലെ 4,143 സ്ഥാപനങ്ങളില് കഴിഞ്ഞ ദിവസങ്ങളില് സ്ക്വാഡുകള് പരിശോധന നടത്തി. മറ്റു ജില്ലകളിലെ സ്ഥാപനങ്ങളില് ഉടന് പരിശോധന നടത്തും.
ഭക്ഷണവ്യാപാര നടത്തിപ്പുകാര്ക്കുള്ള ജില്ലനിയോജകമണ്ഡലതല ബോധവല്ക്കരണം പുരോഗമിക്കുകയാണ്. ഓഗസ്റ്റ് 26നു മുന്പ് ഇതു പൂര്ത്തിയാക്കും. ഭക്ഷ്യവസ്തുക്കളിലെ കീടനാശിനി സാന്നിധ്യം പരിശോധിക്കാനുള്ള ആധുനിക സംവിധാനമായ ജിസിഎംഎസ്എംഎസ് തിരുവനന്തപുരം, എറണാകുളം ലാബുകളില് ഈ മാസം ഉദ്ഘാടനം ചെയ്യും.
ഇതരസംസ്ഥാന പച്ചക്കറികള് കേരളത്തില് നിരോധിക്കുന്നതായി അവിടങ്ങളില് വാര്ത്ത പ്രചരിക്കുന്നുണ്ടെന്നും അത് അടിസ്ഥാനരഹിതമാണെന്നും മന്ത്രി പറഞ്ഞു. യോഗത്തില് ആരോഗ്യ സെക്രട്ടറി ഡോ. കെ. ഇളങ്കോവന്, ഭക്ഷ്യസുരക്ഷാ കമ്മിഷണര് ടി.വി. അനുപമ, ചീഫ് ഗവ. അനലിസ്റ്റ് എസ്.ടി. തങ്കച്ചന്, ഭക്ഷ്യസുരക്ഷാ എന്ഫോഴ്സ്മെന്റ് വിഭാഗം ജോയിന്റ് കമ്മിഷണര് ഡി. അഷറഫ്, റിസര്ച്ച് ഓഫിസര് ജി. ഗോപകുമാര് എന്നിവര് പങ്കെടുത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
