അഡ്വക്കേറ്റ് ജനറലിനും മുഖ്യനുമെതിരെ ആഞ്ഞടിച്ച് ഹൈക്കോടതി, എജി ഓഫീസ് പൂട്ടണമെന്നും ഹൈക്കോടതി; പ്രതിഷേധവുമായി പ്ലീഡര്മാര്
എജിയെ നിര്ത്തിപ്പൊരിച്ച് ഹൈക്കോടതി. അഡ്വക്കേറ്റ് ജനറല് കെപി ദണ്ഡപാണിയുടെ ഓഫീസിനെതിരെ ഹൈക്കോടതിയുടെ രൂക്ഷ വിമര്ശനം. സര്ക്കാര് കേസുകള് നടത്താന് കഴിയുന്നില്ലെങ്കില് അഡ്വക്കറ്റ് ജനറലിന്റെ ഓഫീസ് അടച്ചുപൂട്ടുന്നതാണ് ഉചിതമെന്ന് ഹൈക്കോടതി. ജസ്റ്റിസ് അലക്സാണ്ടര് തോമസാണ് എ.ജിയുടെ ഓഫീസിനെതിരെ കടുത്ത വിമര്ശനമുന്നയിച്ചത്. എ.ജിയുടെ ഓഫീസിന്റെ ദൈന്യം ദിന പ്രവര്ത്തനത്തില് തമിഴ്നാടിനെ കണ്ടുപഠിക്കണം. സോളാര് കേസിന്റെ കാര്യത്തില് മാത്രമാണ് ഇവര് ആത്മാര്ത്ഥത കാണിച്ചതെന്നും അദ്ദേഹം പറഞ്ഞു.
ഓപ്പറേഷന് കുബേരയുമായി ബന്ധപ്പെട്ട ഹര്ജികള് പരിഗണിക്കവെയാണ് ഹൈക്കോടതിയുടെ രൂക്ഷവിമര്ശനം ഉണ്ടായത്. അറ്റോര്ണി ജനറലിനെ വിമര്ശിക്കാന് മുഖ്യമന്ത്രിക്ക് എന്തവകാശമെന്നും ഹൈക്കോടതി ചോദിച്ചു. എ.ജിയുടെ ഓഫീസില് 120 അഭിഭാഷകരുണ്ടായിട്ടും പ്രയോജനമില്ല. അവര് അബ്കാരി ഗ്രൂപ്പുകളുടേയോ, ബിസിനസ് ഗ്രൂപ്പുകളുടേയോ നോമിനികളാണ്. സര്ക്കാര് അഭിഭാഷകരേക്കൊണ്ട് കേസ് നടത്താന് കഴിയുന്നില്ലെങ്കില് സ്വകാര്യ അഭിഭാഷകരെ ഏല്പ്പിക്കണമെന്നും കോടതി പറഞ്ഞു. രാഷ്ട്രീയ ആഭിമുഖ്യമുള്ളവരെ സര്ക്കാര് അഭിഭാഷകരായി നിയമിച്ചിരുന്നെങ്കില് കേസുകള് കൂടുതല് കാര്യക്ഷമമായി നടത്തിയിരുന്നേനേയെന്നും കോടതി പറഞ്ഞു.
ഈ വാര്ത്ത പുറത്തുവന്നതോടെ സര്ക്കാര് അഭിഭാഷകര് എജിയുടേയും ഡിജിപിയുടേയും ഓഫീസുകള് കേന്ദ്രീകരിച്ച് യോഗം ചേര്ന്നു. തുടര്ന്ന് ഇവര് ഹൈക്കോടതിയിലെത്തി. എജിയും ഡിജിപിയും ചീഫ് ജസ്റ്റിസുമായി കൂടിക്കാഴ്ച നടത്തി . ചീഫ് ജസ്റ്റിസിന്റെ ചേംബറിലാണ് കൂടിക്കാഴ്ച നടത്തിയത്. വിശദീകരണം നല്കാനാണ് അഭിഭാഷകര് എത്തിയത്. എജി ഓഫീസ് കാര്യക്ഷമമായാണ് പ്രവര്ത്തിക്കുന്നതെന്ന് മുഖ്യമന്ത്രി. സര്ക്കാരിന് എജിയുടെ ഓഫീസിനെ പൂര്ണവിശ്വാസമെന്നും മുഖ്യമന്ത്രി പറഞ്ഞു.
ഓപ്പറേഷന് കുബേരയുമായി ബന്ധപ്പെട്ട കേസുകള് പരിഗണിക്കവേയാണ് അലക്സാണ്ടര് തോമസ് കടുത്ത വിമര്ശനമുന്നയിച്ചത്. കഴിഞ്ഞ വര്ഷം ഇതുമായി ബന്ധപ്പെട്ട് നടത്തിയ റെയ്ഡുകളുടേയും നടപടികളുടേയും വിവരങ്ങള് ഹാജരാക്കാന് പറഞ്ഞിരുന്നു. എന്നാല് ഈ വിവരങ്ങള് ഹാജരാക്കാതിരുന്നതാണ് ജസ്റ്റിസ് അലക്സാണ്ടര് തോമസിനെ പ്രകോപിപ്പിച്ചത്. രാഷ്ട്രീയ ആഭിമുഖ്യമുള്ളവരെ സര്ക്കാര് അഭിഭാഷകരായി നിയമിച്ചിരുന്നെങ്കില് കേസുകള് കൂടുതല് കാര്യക്ഷമമായി നടത്തിയിരുന്നേനേയെന്നും കോടതി പറഞ്ഞു.
അറ്റോര്ണി ജനറിലെ വിമര്ശിക്കാന് മുഖ്യമന്ത്രിക്ക് യാതൊരു അവകാശവുമില്ല. അദ്ദേഹം ആദ്യം എ.ജിയുടെ ഓഫീസിന്റെ പ്രവര്ത്തനം നന്നാക്കട്ടേയെന്നും ജസ്റ്റിസ് അലക്സാണ്ടര് തോമസ് പറഞ്ഞു. കോടതിയുടെ ആവശ്യങ്ങള് കൃത്യസമയത്ത് നടത്തിക്കൊടുക്കുന്ന കാര്യത്തില് എ.ജിയുടെ ഓഫീസ് വീഴ്ചവരുത്തുന്നു. കോടതി ഉത്തരവുകള് നടപ്പാക്കാനും മുന്കൈയെടുക്കുന്നില്ല. കേസ് നടക്കുന്ന സമയത്ത് സര്ക്കാര് അഭിഭാഷകര്ക്ക് കോടതിയില് വച്ച് ഫയലുകള് കൈമാറുന്നതും മറ്റും കോടതിയുടെ നടപടികള്ക്ക് തടസ്സമുണ്ടാക്കുന്നുണ്ട്. ഇത് തുടര്ന്നാല് കോടതിയലക്ഷ്യമായി കണ്ട് പിഴയീടാക്കുമെന്നും കോടതി പറഞ്ഞു
സര്ക്കാരിന് കഴിവില്ലെങ്കില് കേസുകള് സ്വകാര്യ അഭിഭാഷകരെ ഏല്പ്പിക്കണമെന്നും കോടതി നിര്ദ്ദേശിച്ചു. രാഷ്ട്രീയ ആഭിമുഖ്യമുള്ളവരെ നിയമിച്ചിരുന്നുവെങ്കില് പ്രതിബദ്ധതയുണ്ടായേനെയെന്നും ജസ്റ്റിസ് അലക്സാണ്ടര് തോമസ് നിരീക്ഷിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
