ഉദ്യോഗസ്ഥ ഭരണത്തിന്റെ ശാപമായ കൈക്കൂലി എന്നെങ്കിലും അവസാനിക്കുമോ. അനധികൃതമായി മണ്ണെടുപ്പിനുള്ള അനുമതിക്ക് കൈക്കൂലി വാങ്ങിയ പീരുമേട് തഹസില്‍ദാരും ഡെപ്യൂട്ടി തഹസില്‍ദാരും ഒളിക്യാമറയില്‍ കുടുങ്ങി. കൈരളി പീപ്പിള്‍ ടിവിയാണ് വാര്‍ത്ത പുറത്തുവിട്ടത്.
വീട്‌വയ്ക്കുവാന്‍ വേണ്ടി മണ്ണ് നികത്തണം എന്ന ആവശ്യവുമായി തഹസില്‍ദാരുമായി പരാതിക്കാരന്‍ പലപ്പോഴും ബന്ധപ്പെട്ടിരുന്നു. എന്നാല്‍ ഇതിനായുള്ള നടപടികള്‍ എടുക്കാത്തതിനെ തുടര്‍ന്ന് അന്വേഷണം നടത്തിയപ്പോഴാണ് ഏജന്റ് വഴി തഹസില്‍ദാരുമായി ബന്ധപ്പെടാം എന്ന് കണ്ടെത്തിയത്. തുടര്‍ന്ന് ഏജന്റിലൂടെ സംഘം തഹസില്‍ദാരെ നേരിട്ടുകാണുന്നു. എന്നാല്‍ ഡെപ്യൂട്ടി തഹസില്‍ദാര്‍ പറയുന്നതിനനുസരിച്ച് മാത്രമേ താന്‍ പ്രവര്‍ത്തിക്കുകയുള്ളുവെന്ന് തഹസില്‍ദാര്‍ പറഞ്ഞു.
തുടര്‍ന്ന് ഡെപ്യൂട്ടി തഹസില്‍ദാര്‍ ഉഷയെ നേരിട്ട് കാണുകയും സംസാരിക്കുകയുമായിരുന്നു. പിന്നീട് ഉഷയും താസില്‍ദാര്‍ ദാസും പരാതിക്കാരനില്‍ നിന്നും പരസ്യമായി പണം വാങ്ങുന്ന ദൃശ്യങ്ങളാണ് പീപ്പിള്‍ ടിവി പകര്‍ത്തിയത്. ഇരുവര്‍ക്കുമായി 5000 രൂപ വീതമാണ് നല്‍കിയത്. ഇടനിലക്കാരനായി നിന്നയാള്‍ക്ക് 3000 രൂപയും നല്‍കി.
വാര്‍ത്ത പുറത്ത് വന്നതോടെ, കുറ്റക്കാര്‍ക്കെതിരെ കര്‍ശനനടപടി എടുക്കമെന്ന് മന്ത്രി അടൂര്‍ പ്രകാശ് പറഞ്ഞു. ജില്ലാ കലക്ടറോട് റിപ്പോര്‍ട്ട് തേടിയെന്നും അദ്ദേഹം പറഞ്ഞു. കൈക്കൂലിക്കാര്‍ക്ക് ആകെയുള്ള പേടി ഇതുപോലത്തെ സ്റ്റിങ്ങ് ഓപ്പറേഷനുകളാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha