ഒരു ജനതയുടെ ഉറക്കമൊഴിഞ്ഞുള്ള പ്രാര്‍ത്ഥന ദൈവം കേട്ടു. ആകാംഷ നിറഞ്ഞ രാത്രിയിലെ ഇഴഞ്ഞുനീങ്ങിയ മണിക്കൂറുകള്‍ പിന്നിട്ടപ്പോള്‍ പുലര്‍ച്ചയോടെ മാത്യുവിന്റെ ശരീരത്തില്‍ ശര്‍മയുടെ ഹൃദയം സ്പന്ദിച്ചു തുടങ്ങി. തിരുവനന്തപുരത്ത് നിന്നും ഇന്നലെ വൈകിട്ട് എയര്‍ആംബുലന്‍സില്‍ കൊച്ചിയില്‍ എത്തിച്ച ഹൃദയം പുതിയ ശരീരത്തില്‍ മിടിച്ചു തുടങ്ങിയതായി ഡോ.ജോസ് ചാക്കോ പെരിയപുറം പറഞ്ഞു. തീവ്രപരിചരണ വിഭാഗത്തിലേക്ക് മാറ്റിയ മാത്യുവിന് ബോധം തെളിഞ്ഞിട്ടുണ്ട്.
ലിസി ആശുപത്രിയില്‍ ആറുമണിക്കൂറിലേറെ നീണ്ട ശസ്ത്രക്രിയയില്‍ തുന്നിച്ചേര്‍ത്ത ഹൃദയം യന്ത്രസഹായമില്ലാതെ മാത്യു അച്ചാടന്റെ ശരീരത്തില്‍ പ്രവര്‍ത്തിച്ചു തുടങ്ങി.ഇന്നലെ രാത്രി 7.45ന് ലിസി ആശുപത്രിയില്‍ തുടങ്ങിയ ശസ്ത്രക്രിയ ഇന്നു പുലര്‍ച്ചെ രണ്ടു മണിക്കാണ് പൂര്‍ത്തിയായത്. മസ്തിഷ്‌ക മരണം സംഭവിച്ച തിരുവനന്തപുരം ബാറിലെ അഭിഭാഷകന്‍ നീലകണ്ഠശര്‍മയുടെ ഹൃദയമാണ് മാത്യുവിന് തുടര്‍ജീവിതം സമ്മാനിച്ചത്. ഡോ.ജോസ് ചാക്കോ പെരിയപുറത്തിന്റെ നേതൃത്വത്തില്‍ അഞ്ച് ശസ്ത്രക്രിയാ വിദഗ്ധരടക്കം ഇരുപതോളം പേരടങ്ങുന്ന വൈദ്യസംഘമാണ് സങ്കീര്‍ണമായ ശസ്ത്രക്രിയ നടത്തിയത്.
ഇന്നലെ രാത്രി 7.44ന് ലിസി ആശുപത്രിയിലെ വൈദ്യസംഘം മാത്യുവിന്റെ ശസ്ത്രക്രിയാ നടപടികള്‍ തുടങ്ങി. രാത്രി പത്തിന് ആദ്യഫലം പുറത്തുവന്നു, ആദ്യഘട്ടം വിജയം. പിന്നെയും പ്രാര്‍ത്ഥനയോടെ കേരളം കാത്തിരുന്നു. രാത്രി പന്ത്രണ്ടോടെ അടുത്തവാര്‍ത്തയെത്തി, ഹൃദയസ്പന്ദനത്തിന് സഹായിക്കുന്ന യന്ത്രം നീക്കി. വീണ്ടും ഉറക്കമൊഴിച്ച് കാത്തിരുന്നവരുടെ മുന്നിലേക്ക് ഇന്നുപുലര്‍ച്ചെ രണ്ടിന് ശുഭവാര്‍ത്തയെത്തി,പുതിയ ശരീരത്തോല്‍ ഹൃദയം പ്രവര്‍ത്തിച്ചു തുടങ്ങി. ഡോക്ടര്‍മാര്‍ ആ സന്തോഷം പങ്കുവച്ചപ്പോള്‍ സൂര്യന്‍ സന്തോത്തോടെ ഉദിക്കാന്‍ തുടങ്ങിയിരുന്നു.
ഡയലേറ്റഡ് കാര്‍ഡിയോ മയോപ്പതി എന്ന രോഗാവസ്ഥയെ തുടര്‍ന്നാണ് ഓട്ടോ െ്രെഡവറായ ചാലക്കുടി പരിയാപുരം സ്വദേശി മാത്യു അച്ചാടന് (47) ഹൃദയം മാറ്റിവെക്കല്‍ ശസ്ത്രക്രിയ വേണ്ടിവന്നത്. ജീവിതത്തില്‍ നിന്ന് വിട പറഞ്ഞെങ്കിലും മാത്യു ഉള്‍പ്പെടെ അഞ്ചു പേര്‍ക്ക് ജീവന്‍ നല്‍കാനായതിന്റെ ആശ്വാസത്തിലാണ് നീലകണ്ഠശര്‍മ്മയുടെ കുടുംബം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha