സെക്രട്ടറിയറ്റില് ഐഎഎസ് ഉദ്യോഗസ്ഥരുടെ ധൂര്ത്ത്, ചെലവ് ചുരുക്കല് സര്ക്കുലര് ചീഫ് സെക്രട്ടറി മരവിപ്പിച്ചു, ചായസല്ക്കാരത്തിനു പ്രതിവര്ഷം ചെലവഴിക്കുന്നത് അഞ്ചുകോടി രൂപ
സെക്രട്ടറിയേറ്റില് ഐഎഎസ് ഉദ്യോഗസ്ഥന്മാരുടെ ദൂര്ത്ത്. ദൂര്ത്ത് കൂറയ്ക്കുന്നതിന് പൊതുഭരണ വകുപ്പ് പുറത്തിറക്കിയ സര്ക്കുലര് ചീഫ് സെക്രട്ടറി മരവിപ്പിച്ചു.കര്ശന ചെലവുചുരുക്കലിനെക്കുറിച്ചു ധനവകുപ്പ് അഡീഷണല് ചീഫ് സെക്രട്ടറി കെ.എം. ഏബ്രഹാം പ്രതിദിനമെന്നോണം പ്രത്യേക സര്ക്കുലറുകള് ഇറക്കുന്നതിനിടെയാണ് ഉന്നതോദ്യോഗസ്ഥരുടെ ധൂര്ത്തും കെടുകാര്യസ്ഥതയും കടിഞ്ഞാണില്ലാതെ കുതിക്കുന്നത്.
സെക്രട്ടേറിയറ്റിലെ വിവിധ വകുപ്പു സെക്രട്ടറിമാരുടെ ചായസല്ക്കാരത്തിനു പ്രതിവര്ഷം ചെലവഴിക്കുന്നത് അഞ്ചുകോടി രൂപ. ധൂര്ത്തു ചൂണ്ടിക്കാട്ടി പൊതുഭരണവകുപ്പ് അക്കൗണ്ട്സ് വിഭാഗം പുറത്തിറക്കിയ സര്ക്കുലറാകട്ടെ ചീഫ് സെക്രട്ടറി ജിജി തോംസണ് കഴിഞ്ഞദിവസം മരവിപ്പിക്കുകയും ചെയ്തു. ഓഫീസുകളിലേക്കു കോഫി ഹൗസില്നിന്നു വാങ്ങുന്ന ഭക്ഷണസാധനങ്ങള് മുതിര്ന്ന ഉദ്യോഗസ്ഥരുടെ വീട്ടുകാരാണു വയറ്റിലാക്കുന്നത്.
കേന്ദ്ര ഡെപ്യൂട്ടേഷനില്നിന്ന് അടുത്തിടെ മടങ്ങിയെത്തിയ ഒരു പ്രിന്സിപ്പല് സെക്രട്ടറി ആറു കാറുകള് ഉപയോഗിക്കുന്നതു വിവാദമായി. ഒരു കാര് വീട്ടാവശ്യത്തിനും മറ്റൊരു കാര് ഭാര്യയുടെ അടുത്തബന്ധുവിനും വിട്ടുകൊടുത്തായിരുന്നു തുടക്കം. ഇതേക്കുറിച്ചു മന്ത്രിതലത്തില് അന്വേഷണം നടക്കുന്നു. ദുരിതാശ്വാസ ഫണ്ടില്നിന്നു പണമെടുത്ത് ആഡംബരക്കാര് വാങ്ങാനുള്ള പ്രിന്സിപ്പല് സെക്രട്ടറിയുടെ നീക്കത്തിനു മന്ത്രിയാണു തടയിട്ടത്.
ഉന്നത ഐ.എ.എസ്. ഉദ്യോഗസ്ഥയ്ക്ക് ആഡംബരക്കാര് വിട്ടുനല്കാത്തതിന്റെ പേരില് വകുപ്പിലെ മുതിര്ന്ന ഉദ്യോഗസ്ഥനെ ചീത്തവിളിച്ച സംഭവത്തെക്കുറിച്ച് പൊതുഭരണവകുപ്പ് അന്വേഷണമാരംഭിച്ചു. കാര് വിട്ടുതന്നില്ലെങ്കില് കീഴുദ്യോഗസ്ഥന്റെ കരണം പുകയ്ക്കുമെന്നായിരുന്നു ഉദ്യോഗസ്ഥയുടെ ഭീഷണി. തുടര്ന്ന് കീഴുദ്യോഗസ്ഥന് പരാതിയുമായി മുഖ്യമന്ത്രിയെ സമീപിച്ചു.
ചീഫ് സെക്രട്ടറിയടക്കമുള്ള ഉന്നതോദ്യോഗസ്ഥരുടെ ചായസല്ക്കാരം പരിധിവിട്ടപ്പോഴാണു ചെലവു നിയന്ത്രിക്കാന് പൊതുഭരണ സെക്രട്ടറി കെ.ആര്.ജ്യോതിലാല് സര്ക്കുലര് ഇറക്കിയത്. എന്നാല്, അതു മരവിപ്പിക്കാന് ചീഫ് സെക്രട്ടറി കൈയോടെ നിര്ദേശം നല്കി.
ചീഫ് സെക്രട്ടറിയുടെയും വകുപ്പുമേധാവികളുടെയും ഓഫീസുകളിലെ ചായസല്ക്കാരത്തിന് ഇന്ത്യന് കോഫി ഹൗസില് മാസംതോറും വന്തുക നല്കേണ്ടിവരുന്നതിനെതിരേയാണു പൊതുഭരണ സെക്രട്ടറി സര്ക്കുലര് ഇറക്കിയത്. അതത് ഐ.എ.എസുകാരുടെ കൈയൊപ്പോടെയേ ബില്ലുകളില് പേയ്മെന്റ് നടത്തൂവെന്ന സര്ക്കുലറാണു ചീഫ് സെക്രട്ടറി പിന്വലിപ്പിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
