റോഡപകടങ്ങളില്‍ പരുക്കേല്‍ക്കുന്നവര്‍ക്ക് ആദ്യ അന്‍പത് മണിക്കൂറില്‍ സൗജന്യ ചികിത്സ ലഭ്യമാക്കുമെന്ന് പ്രധാനമന്ത്രി നരേന്ദ്രമോഡി. റോഡപകടങ്ങളില്‍ പരുക്കേല്‍ക്കുന്നവര്‍ക്ക് സൗജന്യ ചികിത്സ ലഭ്യമാക്കുന്നതിനുള്ള വ്യവസ്ഥകള്‍ ഉള്‍പ്പെടുത്തി കേന്ദ്ര സര്‍ക്കാര്‍ റോഡ് ഗതാഗത സുരക്ഷാ ബില്ലിനു രൂപം നല്‍കുമെന്ന് പ്രധാനമന്ത്രി പറഞ്ഞു.
അപകടവിവരം വിളിച്ചറിയിക്കാന്‍ 1033 എന്ന ടോള്‍ഫ്രീ നമ്പറും ആംബുലന്‍സ് സൗകര്യവും ഉറപ്പാക്കും. റോഡപകടത്തില്‍പ്പെടുന്നവര്‍ക്ക് ആദ്യ 50 മണിക്കൂറിലെ ചികിത്സ സൗജന്യചികിത്സ നിര്‍ദിഷ്ട ബില്ലില്‍ ഉറപ്പു വരുത്തം. ആകാശവാണിയിലെ മന്‍ കീ ബാത്തിന്റെ പത്താം പതിപ്പില്‍ നടത്തിയ പ്രഭാഷണത്തിലാണ് റോഡപകടങ്ങള്‍ വര്‍ധിക്കുന്നതു കണക്കിലെടുത്ത് പുതിയ റോഡ് ഗതാഗത സുരക്ഷാ ബില്ലിനു രൂപം നല്‍കുമെന്ന് പ്രധാനമന്ത്രി പ്രഖ്യാപിച്ചത്.
റോഡപകടങ്ങളെക്കുറിച്ചുള്ള കണക്കുകള്‍ ഞെട്ടിക്കുന്നതാണ്. ഓരോ മിനിറ്റിലും ഒരു റോഡപകടമുണ്ടാകുന്നു. ഓരോ നാലു മിനിറ്റിലും ഒരാള്‍ വീതം റോഡപകടത്തില്‍ മരിക്കുന്നു എന്നത് ആശങ്കാജനകമാണ്. റോഡപകടങ്ങളില്‍ മരിക്കുന്നവരില്‍ മൂന്നിലൊന്നും 15നും 25നും ഇടയില്‍ പ്രായമുള്ളവരാണ്. കുട്ടികള്‍ക്കിടയില്‍ റോഡ് സുരക്ഷയെക്കുറിച്ച് അവബോധം വളര്‍ത്തുകയെന്നത് സര്‍ക്കാരിന്റെ മാത്രമല്ല, കുടുംബങ്ങളുടെയും മാതാപിതാക്കളുടെയും ഉത്തരവാദിത്തമാണെന്നും അദ്ദേഹം അഭിപ്രായപ്പെട്ടു. കാര്‍ഗില്‍ യുദ്ധത്തില്‍ ജീവത്യാഗം ചെയ്ത സൈനികര്‍ക്ക് പ്രധാനമന്ത്രി ആദരാഞ്ജലി അര്‍പ്പിച്ചു. അതിര്‍ത്തിയില്‍ പോരാടിയ സൈനികര്‍ മാത്രമല്ല, അവരുടെ കുടുംബങ്ങളും ഈ യുദ്ധത്തില്‍ പങ്കാളികളായിരുന്നുവെന്ന് കാര്‍ഗില്‍ വിജയത്തിന്റെ പതിനാറാം വാര്‍ഷികത്തില്‍ പ്രധാനമന്ത്രി പറഞ്ഞു.
ഈ വര്‍ഷം പയര്‍ വര്‍ഗങ്ങളുടെയും എണ്ണക്കുരുവിന്റെയും ഉല്‍പ്പാദനം വര്‍ധിപ്പിച്ച കര്‍ഷകരോട് പ്രധാനമന്ത്രി നന്ദി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha