ഏറെ വിവാദമുണ്ടാക്കിയ വ്യാജ പ്രേമത്തിന്റെ ഉറവിടം കണ്ടെത്തി. സെന്‍സര്‍ ബോര്‍ഡ് ഓഫീസിലെ മൂന്ന് താല്‍കാലിക ജീവനക്കാരാണ് പിടിയിലായത്. അരുണ്‍, ലിജിന്‍, കുമാര്‍ എന്നിവരെയാണ് പൊലീസ് കസ്റ്റഡിയില്‍ എടുത്തത്. സെന്‍സര്‍ ബോര്‍ഡില്‍ നിന്ന് പെന്‍ െ്രെഡവില്‍ സിനിമ ചോര്‍ത്തി വീട്ടില്‍ കൊണ്ട് പോയി കാണുക ഇവരുടെ പതിവായിരുന്നു. ഇതില്‍ നിന്നാണ് ഇന്റര്‍നെറ്റില്‍ സിനിമയെത്തിയതെന്നാണ് കണ്ടെത്തല്‍. പ്രേമം കൂടാതെ മറ്റ് സിനിമകളും ഇവര്‍ ചോര്‍ത്തിയിട്ടുണ്ട്. വിശദമായ ചോദ്യം ചെയ്യലിന് ശേഷം ഇവരുടെ അറസ്റ്റ് ചെയ്തത്. ഇവരാണ് സിനിമ ചോര്‍ത്തിയത് എന്ന നിഗമനത്തിലാണ് പൊലീസ്.
വീട്ടില്‍ സിനിമ കണ്ടെതിന് ശേഷം ഇവര്‍ അത് കൂട്ടുകാര്‍ക്ക് നല്‍കി. അങ്ങനെ കടയ്ക്കലിലെ ഒരാളുടെ കൈയിലെത്തി. ഇയാളില്‍ നിന്ന് സിനിമ കിട്ടിയ കുട്ടികളാണ് നെറ്റില്‍ അപ് ലോഡ് ചെയ്തത്. ഇങ്ങനെ ചോര്‍ന്ന സിനിമ വാട്‌സ് ആപ്പിലൂടേയും പ്രചരിച്ചു. കൊല്ലത്തെ ഒരാള്‍ ഇത് എഡിറ്റ് ചെയ്ത് ഒരുമിച്ചാക്കിയെന്നും കണ്ടെത്തി. ഇതുമായി ബന്ധപ്പെട്ട് കൂടുതല്‍ അറസ്റ്റുകള്‍ വരും ദിനങ്ങളില്‍ ഉണ്ടാകും.
അതീവ രഹസ്യമായാണ് സെന്‍സര്‍ ബോര്‍ഡില്‍ സിനിമകള്‍ സൂക്ഷിക്കേണ്ടത്. സെന്‍സര്‍ കഴിഞ്ഞു കഴിഞ്ഞാലും ആ കോപ്പി പുറത്തുകൊടുക്കാന്‍ പാടില്ല. ലാഘവത്തോടെയാണ് ഇവിടെ സിനിമകള്‍ കൈകാര്യം ചെയ്തതെന്ന് കൂടിയാണ് ഇപ്പോള്‍ വ്യക്തമാകുന്നത്. ഐടി വിദഗ്ധരും വിദ്യാര്‍ത്ഥികളും അടക്കമുള്ള വലിയൊരു സംഘം ഇതിന് പിന്നിലുണ്ട്. അരുണ്‍, ലിജിന്‍, കുമാര്‍ എന്നിവരുടെ വീട്ടിലെ ലാപ് ടോപ്പില്‍ നിന്ന് പൊലീസ് സിനിമയുടെ കോപ്പി കണ്ടെത്തിയിട്ടുണ്ട്. ഇതെല്ലാം വിശദമായ പരിശോധനയ്ക്ക് വിധേയമാക്കും. അതിന് ശേഷമാകും കൂടുതല്‍ അറസ്റ്റുകള്‍ നടക്കുക. ഇവര്‍ സാമ്പത്തിക ലക്ഷ്യത്തോടെയാണ് സിനിമ ചോര്‍ത്തുന്നതെന്ന് കണ്ടെത്താന്‍ പൊലീസിന് കഴിഞ്ഞിട്ടില്ല. വെറുമൊരു രസത്തിന് പതിവായി നടത്തിയ മോഷണമാണിതെന്നാണ് പൊലീസിന്റെ നിഗമനം.
ഇതോടെ പ്രേമം സിനിമയുടെ ചോര്‍ച്ചയുമായി ബന്ധപ്പെട്ട സിനിമാ പ്രവര്‍ത്തകര്‍ക്ക് മേല്‍ വീണ സംശയവും മാറുകയാണ്. സിനിമയുടെ അണിയറ പ്രവര്‍ത്തകര്‍ക്ക് ഇതില്‍ പങ്കുണ്ടെന്ന ആരോപണം ഉയര്‍ന്നിരുന്നു. ഇത്തരത്തില്‍ അന്വേഷണം നടന്നു. എന്നാല്‍ ഇവരെ കുറ്റക്കാരാണെന്ന് കണ്ടെത്താനുള്ള തെളിവുകള്‍ ഒന്നും പൊലീസിന് കിട്ടിയില്ല. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha