അംഗപരിമിതര്ക്ക് പ്രത്യേക പരിഗണന നല്കി കൊണ്ട് സംസ്ഥാന വികലാംഗ നയം വരുന്നു
വിദ്യാഭ്യാസ മേഖലയിലും കെട്ടിട നിര്മാണത്തിലും സര്ക്കാര് സേവനങ്ങളിലും അംഗപരിമിതര്ക്കു പ്രത്യേക പരിഗണന നല്കി സംസ്ഥാന സര്ക്കാര് വികലാംഗ നയം കൊണ്ടുവരുന്നു. വികലാംഗര് നേരിടുന്ന പരിമിതികള് ആധുനിക സാങ്കേതികവിദ്യയുടെ സഹായത്തോടെ കുറയ്ക്കണമെന്നും പൊതുസ്ഥലങ്ങളിലും പബ്ളിക് ഓഫിസുകളിലും അംഗപരിമിതര്ക്കു തടസ്സമില്ലാതെ സഞ്ചരിക്കാനുള്ള സൗകര്യം ഒരുക്കണമെന്നും വ്യക്തമാക്കിയുള്ള നയം അടുത്ത മന്ത്രിസഭായോഗം പരിഗണിച്ചേക്കും. കരടു നയത്തില് സാമൂഹിക നീതി സെക്രട്ടറി ചെറിയ മാറ്റങ്ങള് കൂടി ശുപാര്ശ ചെയ്തിട്ടുണ്ട്. അംഗപരിമിതര്ക്കായി പ്രത്യേക ഡിപ്പാര്ട്മെന്റും കൗണ്സിലും നയം ശുപാര്ശ ചെയ്യുന്നു.
അംഗപരിമിതര്ക്കുവേണ്ടി നയത്തിനു രൂപം നല്കുന്ന അപൂര്വം സംസ്ഥാനങ്ങളി!ല് ഒന്നായി മാറുകയാണ് ഇതോടെ കേരളം. അംഗപരിമിതരുടെ അവകാശങ്ങള് സംരക്ഷിക്കുന്നതിനു നിലവില് നിയമങ്ങള് ഉണ്ടെങ്കിലും ശക്തമായി പാലിക്കപ്പെടുന്നില്ല എന്നതാണ് വാസ്്തവം. പുതിയ നയത്തിന്റെ അടിസ്ഥാനത്തില് കെട്ടിട നിര്മാണച്ചട്ടങ്ങളില് മാറ്റങ്ങള് വന്നേക്കും. ചക്രക്കസേരകളില് സഞ്ചരിക്കുന്നവര്ക്കു കയറാവുന്ന വിധത്തില് റാംപുകളും മറ്റു സൗകര്യങ്ങളും വലിയ കെട്ടിടങ്ങളി!ല് നിര്ബന്ധമാക്കും. അംഗപരിമിതര്ക്കുകൂടി പ്രാപ്യമാവുന്ന രീതിയില് സര്ക്കാര് ഓഫിസുകളും രൂപകല്പന ചെയ്യേണ്ടിവരും. നിലവിലെ നിയമങ്ങള് കര്ശനമായി പാലിക്കപ്പെടുന്നതിനുള്ള ചാലകശക്തിയായി ഈ നയം മാറുമെന്നു സാമൂഹികനീതി വകുപ്പ് അധികൃതര് കരുതുന്നു.
വികലാംഗ കമ്മിഷണര്ക്കാണു നയം നടപ്പാക്കുന്നതിന്റെ പൂര്ണ ചുമതല. അംഗ പരിമിതര്ക്കു പ്രത്യേക വകുപ്പും കൗണ്സിലും രൂപീകരിക്കണമെന്നും സെക്രട്ടറി തലത്തിലുള്ള ഉദ്യോഗസ്ഥനെ കമ്മിഷണറായി നിയമിക്കണമെന്നും നയം ശുപാര്ശ ചെയ്യുന്നു. അംഗപരിമിതരെ പുനരധിവസിപ്പിക്കാനും വിദ്യാഭ്യാസ തലത്തിലും സാങ്കേതിക തലത്തിലും അവര്ക്കുള്ള സഹായങ്ങള് എത്തിക്കാനും പദ്ധതികള് തയ്യാറാക്കാനും വികലാംഗ കോര്പറേഷന് ഏകജാലക സംവിധാനമായി പ്രവര്ത്തിക്കണം. കുട്ടികള്ക്കു ജന്മനാ സംഭവിക്കുന്ന പരിമിതികള് കണ്ടെത്തി പരിഹാരം കാണാനുള്ള പദ്ധതികളും അംഗപരിമിതര്ക്കു വിദ്യാഭ്യാസം നല്കാന് പ്രത്യേക സ്കീമുകളും നയം ശുപാര്ശ ചെയ്യുന്നു.
റോഡ്, പാര്ക്ക്, ബസ് സ്റ്റാന്ഡ്, റയില്വേ സ്റ്റേഷന്, ആശുപത്രി, മാര്ക്കറ്റ്, ഓഫിസുകള്, ഷോപ്പിങ് മാള്, സിനിമാ തിയറ്റര് തുടങ്ങി എല്ലാ പൊതുസ്ഥലങ്ങളിലും അംഗപരിമിതരുടെ സഞ്ചാരത്തിനു സഹായകരമാവുന്ന ഉപകരണങ്ങള് സ്ഥാപിക്കണം. ഇത് ഉറപ്പു വരുത്തേണ്ട ചുമതല ജില്ലാ ഭരണകൂടത്തിനായിരിക്കുമെന്നും നയം ശുപാര്ശ ചെയ്യുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
