സംസ്ഥാനത്ത് ഇന്ന് സമ്പൂര്ണ ലോക്ഡൗണ്... റോഡുകളില് കര്ശന പരിശോധന, വിവാഹം കൊവിഡ് മാനദണ്ഡം അുസരിച്ച്.... നാളെ മുതല് രാത്രി കര്ഫ്യൂ, രാത്രി 10 മുതല് രാവിലെ 6 വരെ ശക്തമായ നിയന്ത്രണം ഏര്പ്പെടുത്തിയതായി മുഖ്യമന്ത്രി
29 AUGUST 2021 08:53 AM IST
മലയാളി വാര്ത്ത
പ്രതിവാര രോഗബാധ - ജനസംഖ്യാ അനുപാതം ഏഴില് കൂടുതലുള്ള പ്രദേശങ്ങളില് ലോക്ക് ഡൗണ് ഏര്പ്പെടുത്തും. ഇന്ന് അത്യാവശ്യ സര്വീസുകള് മാത്രം. എല്ലാവരും വീടുകളില് കഴിയണം. റോഡുകളില് കര്ശന പരിശോധന ഉണ്ടാവും. വിവാഹം കൊവിഡ് മാനദണ്ഡം അനുസരിച്ചായിരിക്കണം. ഇത് പൊലീസ് നിരീക്ഷിക്കും. ആളുകളുടെ എണ്ണം ഒരിടത്തും കൂടാന് അനുവദിക്കില്ല.
മറ്റ് രോഗങ്ങളുള്ളവര്ക്കും പ്രായം കൂടിയവര്ക്കും കൊവിഡ് ബാധിച്ചാല് അതിവേഗം ഏറ്റവും മികച്ച ചികിത്സ ലഭ്യമാക്കും. അനുബന്ധ രോഗമുള്ളവര് ആശുപത്രിയില് എത്തിയില്ലെങ്കില് സ്ഥിതി വഷളാകാനും മരണത്തിനും സാദ്ധ്യത വളരെ കൂടുതലാണ്. അത് ഒഴിവാക്കാന് എല്ലാ ഇടപെടലുമുണ്ടാകും. അനുബന്ധ രോഗികളുടെ ആദ്യ ദിനങ്ങള് നിര്ണായകമാണ്. ആശുപത്രിയില് എത്തിക്കാന് വൈകി ഗുരുതരമായ പല കേസുകളും ഉണ്ടെന്ന് മുഖ്യമന്ത്രി പറഞ്ഞു
്സ്ഥിതി വിലയിരുത്തി മുന്നോട്ടു പോകാന് മെഡിക്കല് കോളേജുകളിലെയും സ്വകാര്യ ആശുപത്രികളിലെയും കൊവിഡ് ചികിത്സാനുഭവമുള്ള ഡോക്ടര്മാര്, പ്രമുഖ വൈറോളജിസ്റ്റുകള്, ആരോഗ്യ വിദഗ്ദ്ധര് എന്നിവരുടെ യോഗം സെപ്തംബര് ഒന്നിന് ചേരും
തദ്ദേശ സ്ഥാപനങ്ങളിലെ പ്രസിഡന്റ്, സെക്രട്ടറിമാരുടെ യോഗം 3 ന് ചേരും. ആരോഗ്യ, റവന്യൂ, തദ്ദേശ മന്ത്രിമാരും പങ്കെടുക്കും. തദ്ദേശസ്ഥാപനങ്ങളുടെ പക്കല് വാക്സിന് നല്കിയതിന്റെ കണക്ക് വേണമെന്നും അത് വിലയിരുത്തി കുറവ് പരിഹരിക്കണമെന്നും നിര്ദ്ദേശിച്ചിട്ടുണ്ട്. ഐ.ടി.ഐ പരീക്ഷ എഴുതേണ്ടവര്ക്ക് മാത്രം പ്രാക്ടിക്കല് ക്ലാസിന് അനുമതി നല്കും. "
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
