ഓണക്കാലം കഴിഞ്ഞതോടെ സംസ്ഥാനത്ത് കോവിഡും തലപൊക്കി, കോവിഡ് നിയന്ത്രണത്തിന്‍റെ ഭാഗമായി ഏര്‍പ്പെടുത്തുന്ന രാത്രികാല കര്‍ഫ്യൂ ഇന്ന് മുതല്‍ ആരംഭിക്കും. രാത്രി പത്ത് മണി മുതല്‍ രാവിലെ ആറ് വരെയാണ് കര്‍ഫ്യൂ ഏര്‍പ്പെടുത്തിയിരിക്കുന്നത്. സംസ്ഥാനത്ത് നിയന്ത്രണം കൂടുതല്‍ കര്‍ക്കശമാക്കുന്നതിനെ കുറിച്ച്‌ ആലോചിക്കാന്‍ വിദഗ്ദ്ധരുടെ യോഗം മറ്റന്നാള്‍ നടക്കും.

നൈറ്റ് കര്‍ഫ്യൂ ഇളവുകള്‍ ഇങ്ങനെ...

1. രാത്രി പത്ത് മണി മുതല്‍ ആറ് വരെയുള്ള കര്‍ഫ്യൂവില്‍ അവശ്യ സര്‍വീസുകള്‍ക്ക് ഇളവുണ്ടാകും.
2. ആശുപത്രി യാത്രക്കും രോഗികളുടെ കൂട്ടിരുപ്പുകാര്‍ക്കും രാത്രിയാത്ര അനുവദിക്കും.

3. ചരക്ക് വാഹനഗതാഗതത്തിന് തടസമില്ല.

4. ട്രെയിന്‍, വിമാനയാത്രക്കാര്‍ ടിക്കറ്റ് കാണിച്ചാല്‍ മതിയാകും.ഇവ കൂടാതെയുള്ള യാത്രകള്‍ക്ക് അടുത്തുള്ള പൊലീസ് സ്റ്റേഷനില്‍ നിന്ന് അനുമതി വാങ്ങണം.

ജനസംഖ്യാ അനുപാതികമായി പ്രതിവാര രോഗനിരക്ക് ഏഴില്‍ കൂടുതലുള്ള പ്രദേശങ്ങളില്‍ ലോക്ഡൌണ്‍ ഏര്‍പ്പെടുത്താന്‍ കഴിഞ്ഞ ദിവസം ചേര്‍ന്ന കോവിഡ് അവലോകന യോഗത്തില്‍ തീരുമാനമായിരുന്നു. ഐ.​ടി.ഐ പ​രീ​ക്ഷ എ​ഴു​തേ​ണ്ട വി​ദ്യാ​ര്‍​ഥി​ക​ള്‍​ക്ക്​ പ്രാ​ക്​​ടി​ക്ക​ല്‍ ക്ലാ​സി​ന്​ അ​നു​മ​തി ന​ല്‍​കി​യി​ട്ടു​ണ്ട്.

വരും നാളുകളിലെ കോവിഡ് പ്രതിരോഘം ആവിഷ്കരിക്കാന്‍ വിദഗ്ദരെ പങ്കെടുപ്പിച്ചുള്ള യോഗം മറ്റെന്നാള്‍ നടക്കും. മെഡിക്കല്‍ കൊളോജുകളിലെ പ്രധാന ഡോക്ടര്‍മാര്‍,പ്രമുഖ വൈറോളജിസ്റ്റുകള്‍ ആരോഗ്യവിദ്ഗദര്‍ എന്നിവര്‍ യോഗത്തില്‍ പങ്കെടുക്കും. തദ്ദേശസ്ഥാപനങ്ങളിലെ പ്രസിഡന്‍റ്, സെക്രട്ടറി എന്നിവരുടെ യോഗം മൂന്നാം തീയതിയും വിളിച്ചിട്ടുണ്ട്.

കോ​വി​ഡി​ന്‍റെ തീ​വ്ര​വ്യാ​പ​നം നി​ല​നി​ല്‍​ക്കു​ന്ന, പ്ര​തി​വാ​ര രോ​ഗ​ബാ​ധ-​ജ​ന​സം​ഖ്യാ​നു​പാ​ത നി​ര​ക്ക്​ (ഡ​ബ്ല്യു.​െ​എ.​പി.​ആ​ര്‍) ഏ​ഴ്​ ശ​ത​മാ​ന​ത്തി​ല്‍ കൂ​ടു​ത​ലു​ള്ള പ​ഞ്ചാ​യ​ത്തു​ക​ളി​ലും ന​ഗ​ര​വാ​ര്‍​ഡു​ക​ളി​ലും തീ​വ്ര​വും ശ​ക്ത​വു​മാ​യ ലോ​ക്​​ഡൗ​ണ്‍ ഏ​ര്‍​പ്പെ​ടു​ത്താ​നാണ് സര്‍ക്കാരിന്‍റെ ഉ​ത്ത​ര​വ്.

ഇ​ത്ത​രം വാ​ര്‍​ഡു​ക​ളു​ടെ​യും പ​ഞ്ചാ​യ​ത്തു​ക​ളു​ടെ​യും പ​ട്ടി​ക ആ​ഗ​സ്​​റ്റ്​ 29 മു​ത​ല്‍ ജി​ല്ല ദു​ര​ന്ത നി​വാ​ര​ണ അ​തോ​റി​റ്റി ത​യാ​റാ​ക്കി പ്ര​സി​ദ്ധീ​ക​രി​ക്ക​ണം. ഇ​ത്ത​രം ഭാ​ഗ​ങ്ങ​ളെ മൈ​ക്രോ ക​ണ്ടെയ്​​ന്‍​മെന്‍റ്​ മേ​ഖ​ല​ക​ളാ​ക്കി പ്ര​ഖ്യാ​പി​ച്ച്‌​ ജി​ല്ല ക​ല​ക്​​ട​ര്‍​മാ​ര്‍ ആ​വ​ശ്യ​മാ​യ നി​യ​ന്ത്ര​ണ​ങ്ങ​ള്‍ ഏ​ര്‍​പ്പെ​ടു​ത്ത​ണം.