വീട്ടമ്മ ഷോക്കേറ്റ് മരിച്ചു. നെല്ലുവായ് മുരിങ്ങത്തേരി തെക്കേ കൂടാരത്തില്‍ വീട്ടില്‍ പരേതനായ സതീഷിന്‍റെ ഭാര്യ ഷാനിയാണ് (44) മരിച്ചത്. വീടിന്​ പുറകുവശത്ത് മേഞ്ഞ ഇരുമ്പ് ഷീറ്റില്‍ നിന്നാണ് ഷോക്കേറ്റത്.

തിങ്കളാഴ്ച രാവിലെ 8.10നാണ് സംഭവം. പൈപ്പില്‍ നിന്ന്​ വെള്ളം ശേഖരിച്ചുകൊണ്ടിരിക്കെ ഇരുമ്പ് ഷീറ്റില്‍ തൊട്ടപ്പോള്‍ ഷോക്കേല്‍ക്കുകയായിരുന്നു.

ഉടനെ വീട്ടിലുണ്ടായിരുന്ന സഹോദരന്‍ മെയിന്‍ സ്വിച്ച്‌ ഓഫ് ചെയ്ത് ഷാനിയെ ഓട്ടുപാറ ജില്ലാ ആശുപത്രിയിലെത്തിച്ചെങ്കിലും രക്ഷിക്കാനായില്ല. മക്കള്‍: ഗോപിക, ഗോഗുല്‍, ദീപക്.