അതുക്കും മേലെയാ ഫാത്തിമ... ഫാത്തിമ തെഹ്ലിയ സിപിഎം സ്ഥാനാര്ഥിയാകുമെന്ന് അഭ്യൂഹം നിലനില്ക്കുന്നതിനിടെ പുറത്താക്കി പകരംവീട്ടി മുസ്ലീംലീഗ്; എങ്കിലും ലീഗ് വിടില്ലെന്ന ഉറച്ച നിലപാടില് ഫാത്തിമ; സ്ഥാനമാനങ്ങള്ക്ക് വേണ്ടിയല്ല ഈ പാര്ട്ടിയില് വന്നത്; ഫാത്തിമയുടെ നീക്കം ഉടനറിയാം
മുസ്ലീം ലീഗിന്റെ പുതിയ മുഖമായ ഫാത്തിമ തെഹ്ലിയയെ അടര്ത്തിയെടുത്ത് സ്വന്തം പാര്ട്ടിയിലെത്തിക്കാനുള്ള ശ്രമത്തിലാണ് രാഷ്ട്രീയ പാര്ട്ടികള്. ഫാത്തിമയെ കിട്ടിയാല് വലിയ നേട്ടം ഉണ്ടാക്കാന് കഴിയുമെന്നാണ് പല പാര്ട്ടിക്കാരും കരുതുന്നത്. അതേസമയം ആ വെള്ളം വാങ്ങിവയ്ക്കാന് തരത്തിലുള്ള പ്രസ്താവനയാണ് ഫാത്തിമയുടെ ഭാഗത്ത് നിന്നും ഉണ്ടാകുന്നത്.
മുസ്ലിം ലീഗ് വിടില്ലെന്ന് ഫാത്തിമ തെഹ്ലിയ ആണയിടുന്നു. കഴിഞ്ഞദിവസം ഇവരെ എം.എസ്.എഫിന്റെ ദേശീയ ഉപാധ്യക്ഷ സ്ഥാനത്തുനിന്ന് പുറത്താക്കിയത്. ഇതിനു പിന്നാലെ ഫാത്തിമ പാര്ട്ടി വിടുമെന്ന് വാര്ത്തകളും പുറത്തെത്തി. ഇതിനോടുള്ള പ്രതികരണമാണ് ഫാത്തിമ ഇപ്പോള് ഫെയ്സ്ബുക്ക് കുറിപ്പിലൂടെ നടത്തിയിരിക്കുന്നത്.
'മുസ്ലിം ലീഗിന്റെ ആദര്ശത്തില് വിശ്വസിച്ചാണ് ഞാന് പാര്ട്ടിയില് ചേര്ന്നത്. സ്ഥാനമാനങ്ങള്ക്കോ അധികാരത്തിനോ വേണ്ടിയല്ല ഈ പാര്ട്ടിയില് വന്നത്. ഇപ്പോള് നിലനില്ക്കുന്ന വിഷയങ്ങളുമായി ബന്ധപ്പെട്ട് പാര്ട്ടി മാറുന്നതിനെ കുറിച്ച് ഞാന് ചിന്തിച്ചിട്ടേയില്ല. മറിച്ചുള്ള വാര്ത്തകള് കളവും ദുരുദ്ദേശപരവുമാണ്'.
സ്ത്രീവിരുദ്ധ പരാമര്ശത്തിന്റെ പേരില് എം.എസ്.എഫ് സംസ്ഥാന നേതൃത്വത്തിനെതിരേ വനിതാ കമ്മീഷനില് വരെ പരാതിയെത്തിയതിന് പിന്നാലെ എം.എസ്.എഫ് ദേശീയ വൈസ് പ്രസിഡന്റ് ഫാത്തിമ തഹ്ലിയക്കെതിരേയുള്ള പുറത്താക്കല് നടപടി ലീഗ് ഒരുമുഴം മുന്നെയെറിഞ്ഞ ആയുധമെന്ന് വിലയിരുത്തല്. ആരോപണമുന്നയിച്ച ഹരിത നേതാക്കളുടെ പരാതി കേള്ക്കാത്ത പാര്ട്ടി നേതൃത്വത്തിനെതിരേ ഫാത്തിമ വാര്ത്താസമ്മേളനം നടത്തി പ്രതിഷേധിച്ചിരുന്നു.
മിണ്ടാതിരിക്കുന്നത് അധിക്ഷേപിക്കാനുള്ള അവസരമായി ഉപയോഗിക്കുന്നുവെന്നായിരുന്നു ഫാത്തിയ അന്ന് വാര്ത്താ സമ്മേളനത്തില് ആരോപിച്ചത്. പക്ഷെ ഇത് അച്ചടക്ക ലംഘനമായിട്ടാണ് പാര്ട്ടി കണ്ടത്. ഇതിന് പിന്നാലെ ആരോപണ വിധേയനായ എം.എസ്.എഫ് സംസ്ഥാന നേതാക്കളോട് വിശദീകരണവും ഹരിത കമ്മിറ്റിയെ മരവിപ്പിക്കുകയും ചെയ്തായിരുന്നു ലീഗിന്റെ നടപടി. ശേഷം ആരോപണമുന്നയിച്ച ഹരിത കമ്മിറ്റിയെ പിരിച്ച് വിട്ടതിനൊപ്പം ഫാത്തിമ തഹ്ലിയക്കെതിരേയും നടപടിയെടുക്കുന്നതിലേക്കാണ് ലീഗ് നേതൃത്വം പോയത്. ഹരിതയുടെ ആദ്യ സംസ്ഥാന ജറല് സെക്രട്ടറി കൂടിയായിരുന്നു ഫാത്തിമ തഹ്ലിയ.
ഹരിതയുടെ പുതിയ കമ്മിറ്റി വന്നതിന് പിന്നാലെ ഇത്രപെട്ടെന്നുള്ള പാര്ട്ടി നടപടി ഫാത്തിമയും പ്രതീക്ഷിച്ചിരുന്നില്ലെങ്കിലും തിടുക്കത്തില് നടപടിയെടുത്തതിന് പിന്നില് സിപിഎം നീക്കങ്ങളും കാരണമായെന്ന് വിലയിരുത്തല്. വരാനിരിക്കുന്ന ഉപതെരഞ്ഞെടുപ്പില് മത്സരിപ്പിച്ച് ഫാത്തിമയെ ജില്ലാ പഞ്ചായത്ത് അധ്യക്ഷയാക്കാന് സിപിഎം ഒരുങ്ങുന്നുവെന്ന അഭ്യൂഹമാണ് നടപടി വേഗത്തിലാക്കിയതെന്നാണ് പറയപ്പെടുന്നത്. അച്ചടക്ക ലംഘനം മാത്രമല്ല, ഫാത്തിമ തഹ്ലിയയുടെ രാഷ്ട്രീയ നീക്കങ്ങള്ക്കുള്ള പ്രതിരോധം കൂടിയായിട്ടാണ് ഈ നടപടിയെ വിലയിരുത്തുന്നത്.
കഴിഞ്ഞ തദ്ദേശ ഭരണ തെരഞ്ഞെടുപ്പില് സ്ഥാനാര്ഥി വാഗ്ദാനവുമായി സിപിഎം ഫാത്തിമയെ സമീപിച്ചതായി വാര്ത്തകളുണ്ടായിരുന്നു. അന്ന് അത് നിരസിച്ച ഫാത്തിമ, നിയമസഭ തെരഞ്ഞെടുപ്പില് മുസ്ലീം ലീഗില് നിന്ന് സ്ഥാനാര്ഥിത്വം പ്രതീക്ഷിച്ചതാണ്. പക്ഷേ, വനിത ലീഗിനെ ദീര്ഘകാലം നയിച്ച നൂര്ബിന റഷീദിനെയാണ് നേതൃത്വം പരിഗണിച്ചത്. ഹരിത വിവാദത്തില് മുസ്ലീം ലീഗ് അന്തിമ തീരുമാനത്തിലേക്ക് പോയിട്ടും ഫാത്തിമ തഹ്ലിയ പരസ്യ പ്രതികരണം നടത്തിയത് സ്വാഭാവികമായ ഒന്നായി മുസ്ലീം ലീഗ് കാണുന്നില്ല.
കോഴിക്കോട് ജില്ലാ പഞ്ചായത്ത് നന്മണ്ട ഡിവിഷനിലെ വരാനിരിക്കുന്ന ഉപതെരഞ്ഞെടുപ്പില് ഫാത്തിമ സിപിഎം സ്ഥാനാര്ഥി ആയേക്കുമെന്ന അഭ്യൂഹം രാഷ്ട്രീയ കേന്ദ്രങ്ങളിലുണ്ട്. കാനത്തില് ജമീല നിയമസഭാംഗമായതിനാലാണ് നന്മണ്ട ഡിവിഷനില് ഉപതെരഞ്ഞെടുപ്പ് വേണ്ടി വന്നത്. എന്തായാലും ഫാത്തിമയുടെ മനസിലിരിപ്പ് ഉടനറിയാം.
"
https://www.facebook.com/Malayalivartha
