പ്ലസ് വണ് പരീക്ഷകള് നടത്താം.... പ്ലസ് വണ് പരീക്ഷകള് നേരിട്ട് നടത്താന് സുപ്രീംകോടതി അനുമതി നല്കി... സര്ക്കാര് ഉറപ്പ് കോടതി അംഗീകരിച്ചു.... സര്ക്കാരിന്റെ വിശദീകരണം തൃപ്തികരമാണെന്ന് വിലയിരുത്തി പരീക്ഷയ്ക്ക് എതിരായ ഹര്ജി തള്ളി
പ്ലസ് വണ് പരീക്ഷകള് നടത്താം.... പ്ലസ് വണ് പരീക്ഷകള് നേരിട്ട് നടത്താന് സുപ്രീംകോടതി അനുമതി നല്കി... സര്ക്കാര് ഉറപ്പ് കോടതി അംഗീകരിച്ചു.... സര്ക്കാരിന്റെ വിശദീകരണം തൃപ്തികരമാണെന്ന് വിലയിരുത്തിയാണ് പരീക്ഷയ്ക്ക് എതിരായ ഹര്ജി തള്ളിയത്.
ഓണ്ലൈനായി പരീക്ഷ നടത്താനാകില്ലെന്ന സര്ക്കാര് വാദം കോടതി അംഗീകരിക്കുകയും ചെയ്തു. എല്ലാ ഉത്തരവാദിത്വവും സംസ്ഥാന സര്ക്കാര് ഏറ്റെടുത്ത സാഹചര്യത്തില് പരീക്ഷ നടത്താമെന്നും കോടതി അറിയിച്ചു. സര്ക്കാര് വിശദമായ സത്യവാങ്മൂലം സമര്പ്പിച്ചിട്ടുണ്ടെന്ന് സുപ്രീംകോടതി.
'ഓഫ്ലൈന് ആയി പരീക്ഷ നടത്തുന്നതുകൊണ്ട് ചോദ്യപേപ്പര് ചോര്ച്ച ഉണ്ടാകുന്നത് തടയാന് സാധിക്കും . മാത്രവുമല്ല മോഡല് പരീക്ഷയുടെ അടിസ്ഥനത്തില് മാര്ക്ക് നിശ്ചയിക്കണമെന്ന ആവശ്യം അംഗീകരിക്കാന് കഴിയില്ല.
വീടുകളില് ഇരുന്നാണ് രക്ഷാകര്ത്താക്കളുടെ സാന്നിധ്യത്തില് വിദ്യാര്ത്ഥികള് മോഡല് പരീക്ഷ എഴുതിയത്. എന്നാല് ഓഫ്ലൈന് ആയി പരീക്ഷ നടത്തുമ്പോള് അധ്യാപകരുടെ സാന്നിധ്യത്തിലാണ് പരീക്ഷ എഴുതുന്നത് എന്ന്' സത്യവാങ്മൂലത്തില് വ്യക്തമാക്കിയിട്ടുണ്ട്.
അതേസമയം സിബിഎസ്ഇ, ഐസിഎസ്ഇ മൂല്യനിര്ണയത്തില് നിന്ന് വ്യത്യസ്തമാണ് കേരളത്തില് മാര്ക്ക് കണക്കാക്കുന്നത്. ഉന്നത വിദ്യാഭ്യാസ കോഴ്സുകളില് പ്രവേശന യോഗ്യത കണക്കാക്കാന് പ്ലസ് വണ് പരീക്ഷ മാര്ക്ക് പ്ലസ് ടു പരീക്ഷ മാര്ക്കിന് ഒപ്പം കൂട്ടുമെന്നും കേരളം സത്യവാങ്മൂലത്തില് വ്യക്തമാക്കിയിട്ടുണ്ട്.
കഴിഞ്ഞ പ്ലസ് ടു പരീക്ഷയില് തോറ്റ വിദ്യാര്ഥികള്ക്ക് വിജയിക്കണമെങ്കില് പരാജയപ്പെട്ട വിഷയത്തിലെ പ്ലസ് ടു, പ്ലസ് വണ് പരീക്ഷ വിജയിക്കേണ്ടതുണ്ട്. പരീക്ഷ ഓഫ്ലൈനായി നടത്തിയില്ലെങ്കില് തോറ്റ വിദ്യാര്ഥികള്ക്ക് നികത്താനാകാത്ത നഷ്ടം ഉണ്ടാകുമെന്ന് കേരളം സുപ്രീം കോടതിയെ അറിയിച്ചു.
അതേസമയം സുപ്രീംകോടതി ഉത്തരവിനെ സ്വാഗതം ചെയ്യുന്നുവെന്നും പരീക്ഷക്കുള്ള തയ്യാറെടുപ്പുകള് പൂര്ത്തിയായെന്നും വിദ്യാഭ്യാസ മന്ത്രി. വിധി പഠിച്ച് ടൈംടേബിള് തയ്യാറാക്കും.
വിധി പകര്പ്പ് കിട്ടിയാലുടന് പുതിയ ടൈംടേബിള് പ്രസിദ്ധീകരിക്കും. വിവിധ വകുപ്പുകളുടെ ഏകോപനത്തിലൂടെ പരീക്ഷ വിജയകരമാക്കുമെന്നും മന്ത്രി പറഞ്ഞു. സുപ്രീംകോടതി നിര്ദ്ദേശം അനുസരിച്ച് പരീക്ഷ നടത്താന് സര്ക്കാര് സജ്ജമാണ്.
"
https://www.facebook.com/Malayalivartha