കഴിഞ്ഞ ദിവസമാണ് കേരളത്തെ ഞെട്ടിച്ച് കൊണ്ട് പ്രണയ പകയിൽ യുവാവ് പെൺകുട്ടിയുടെ ജീവനെടുത്തത്.ഇപ്പോഴിതാ നിഥിനയുടെ മൃതദേഹം സംസ്‌കരിച്ച വാർത്തകളാണ് പുറത്ത് വരുന്നത്. നിഥിനയുടെ അപ്രതീക്ഷിത മരണത്തിലുള്ള ഞെട്ടലില്‍ നിന്ന് നാട്ടുകാരും സുഹൃത്തക്കളും ഇപ്പോഴും മോചിതരായിട്ടില്ല.

​തുറവേലിക്കുന്നിലെ ബന്ധുവീട്ടിലാണ് നിഥിനയുടെ മൃതദേഹം സംസ്‌കരിച്ചത്. അതിനിടെ പ്രതി അഭിഷേകിനെ സംഭവ സ്ഥലത്തെത്തിച്ച്‌ പൊലീസ് തെളിവെടുത്തു.

​കോളജില്‍ എത്തിയത് മുതല്‍ കൊലപാതകം നടത്തിയതുവരെയുള്ള കാര്യങ്ങള്‍ അഭിഷേക് പൊലീസിനോട് വിശദീകരിച്ചു. തലയോലപ്പറമ്പിലെ വീട്ടില്‍ ഒരു മണിക്കൂറോളം പൊതുദര്‍ശനത്തിനുവച്ച ശേഷമാണ് മൃതദേഹം ബന്ധുവീട്ടിലെത്തിച്ചത്.