യുവതിയുടെ വീട്ടിൽ അതിക്രമിച്ച് കയറി ഉപദ്രവിച്ച സംഭവത്തിൽ യുവാവ് അറസ്റ്റിൽ. പയ്യാവൂര്‍ പൊന്നും പറമ്പിലെ ഇടയശ്ശേരിയില്‍ അരോമല്‍ ഷാജി (22)യെയാണ് പോലീസ് അറസ്റ്റ് ചെയ്തത്.

ബി.ടെക് പഠനം പൂർത്തിയാക്കിയ യുവാവും പെൺകുട്ടിയും സൗഹൃദത്തിലായിരുന്നു.

ഇതിനിടെ പെൺകുട്ടിയോട് പ്രണയാഭ്യർത്ഥന നടത്തുകയും പെൺകുട്ടി നിരസിക്കുകയും ചെയ്തതിലെ വിരോധമായിരുന്നു ആക്രമണത്തിന് പിന്നിൽ.

കഴിഞ്ഞ ദിവസം യുവതിയുടെ വീട്ടില്‍ അതിക്രമിച്ചു കയറിയ ഇയാള്‍ വീണ്ടും പ്രണയാഭ്യർത്ഥന  നടത്തി.  

എന്നാല്‍, തനിക്ക് താല്‍പര്യമില്ലെന്ന് യുവതി പറഞ്ഞതോടെ ആരോമല്‍ പ്രകോപിതനായി യുവതിയുടെ കൈയിൽ  കടന്നു പിടിക്കുകയും മൊബൈൽ ഫോൺ എറിഞ്ഞ് പൊട്ടിക്കുകയും ചെയ്തു.

സംഭവത്തെ തുടര്‍ന്ന് യുവതിയുടെ രക്ഷിതാക്കളുടെ പരാതിയില്‍ കേസെടുത്താണ് ആരോമലിനെ അറസ്റ്റ് ചെയ്തത്.