ഓണ്‍ലൈന്‍ ഗെയിം വഴി പരിചയപ്പെട്ട യുവാവുമായി ഒളിച്ചോടിയ കുന്ദമംഗലം സ്വദേശിനിയായ 22 കാരിയെയും യുവാവിനെയും ഗോവയില്‍ നിന്ന് പോലീസ് പിടികൂടി നാട്ടിലെത്തിച്ചു.

22കാരനായ വാലില്ലാപുഴ സ്വദേശി അറഫാനൊപ്പമാണ് പെൺകുട്ടി ഒളിച്ചോടിയത്.

സ്ഥിരമായി ഓണ്‍ലൈന്‍ ഗെയിം കളിക്കുന്ന പെൺകുട്ടി യുവാവിനെ പരിചയപ്പെട്ട് പ്രണയത്തിലാവുകയായിരുന്നു.

തുടര്‍ന്നാണ് യുവാവിനൊപ്പം നാടുവിട്ടത്. അന്വേഷണത്തിൽ പെൺകുട്ടി ഈ യുവാവിനൊപ്പമാണ് ഉള്ളതെന്ന് മനസിലാക്കിയ ബന്ധുക്കൾ പോലീസിൽ പരാതി നൽകുകയായിരുന്നു.

സൈബര്‍ സെലിന്റെ സഹായത്തോടെ നടത്തിയ അന്വേഷണത്തിലാണ് ഇവരെ കണ്ടെത്തിയത്.