ആ ചാറ്റ് തെറിപ്പിച്ചു... ഷാറുഖ് ഖാന്റെ മകന് ആര്യന് ഖാന് കഞ്ചാവ് എത്തിച്ചു നല്കാമെന്നു വാട്സാപ് ചാറ്റില് പറഞ്ഞത് വെറും തമാശയെന്ന് അനന്യ പാണ്ഡെ; ഇരുപത്തിരണ്ടാമത്തെ വയസില് 72 കോടിയുടെ ആസ്തി എങ്ങനെയുണ്ടായെന്ന് അന്വേഷിച്ച് അന്വേഷണ സംഘം; അഭിനയിച്ചത് വിരലിലെണ്ണാവുന്ന സിനിമകളില് മാത്രം
ബോളിവുഡില് ഇപ്പോള് സംസാരം നടി അനന്യ പാണ്ഡെയാണ്. ബോളിവുഡിലെ യുവനടിമാരിലൊരാളായ അനന്യ പാണ്ഡെയുടെ പേര് ആര്യന് ഖാന് മയക്കുമരുന്ന് കേസുമായി ബന്ധപ്പെട്ട് ഏറെ ചര്ച്ചയായിക്കഴിഞ്ഞു. എന്.സി.ബി (നാര്ക്കോട്ടിക്സ് കണ്ട്രോള് ബ്യൂറോ) ഇവരെ ചോദ്യം ചെയ്യാന് വിളിപ്പിക്കുകയും വീട്ടില് റെയ്ഡ് നടത്തുകയും ചെയ്തു. എന്നാല് വിരലിലെണ്ണാവുന്ന സിനിമകളില് മാത്രം പ്രവര്ത്തിച്ചിട്ടുളള അനന്യയുടെ ജനപ്രീതി അതിവേഗം വര്ദ്ധിച്ച് കൊണ്ടിരിക്കുകയാണ്.
ആര്യന് അറസ്റ്റിലായ ആഡംബരക്കപ്പലിലെ ലഹരിവിരുന്നു കേസുമായി ബന്ധപ്പെട്ട് അനന്യയെ രണ്ടാം ദിവസവും എന്സിബി 3 മണിക്കൂറോളം ചോദ്യം ചെയ്തു. ഷാറുഖ് ഖാന്റെ മകന് ആര്യന് ഖാനു കഞ്ചാവ് എത്തിച്ചു നല്കാമെന്നു വാട്സാപ് ചാറ്റില് പറഞ്ഞത് സൗഹൃദ സംഭാഷണത്തിനിടയിലെ വെറും തമാശ മാത്രമാണെന്നു യുവനടി അനന്യ പാണ്ഡെ നര്കോട്ടിക്സ് കണ്ട്രോള് ബ്യൂറോ ഉദ്യോഗസ്ഥര്ക്കു മൊഴി നല്കിയത്.
സ്റ്റുഡന്റ് ഓഫ് ദി ഇയര് 2, പതി പത്നി ഔര് വോ, ഖാലി പീലി എന്നീ സിനിമകളിലാണ് അനന്യ അഭിനയിച്ചത്. എന്നാല് ഈ ചിത്രങ്ങള്ക്ക് ബോക്സ് ഓഫീസില് കാര്യമായ ചലനങ്ങള് ഒന്നും തന്നെ ഉണ്ടാക്കാന് കഴിഞ്ഞില്ല. ദേശീയ മാദ്ധ്യമ റിപ്പോര്ട്ടുകള് പ്രകാരം 22 കാരിയായ അനന്യയുടെ ആസ്തി ഏകദേശം 72 കോടി രൂപയാണ്. ഒരു സിനിമയില് അഭിനയിക്കുന്നതിന് അവര് ഏകദേശം രണ്ട് കോടി രൂപ ഈടാക്കുന്നതായും റിപ്പോര്ട്ടുകള് പറയുന്നു.
സിനിമകളില് പ്രവര്ത്തിക്കുന്നതിനു പുറമേ അനന്യ നിരവധി ബ്രാന്ഡ് എന്ഡോര്സ്മന്റ്റുകളിലൂടെയും പണം സമ്പാദിക്കുന്നു. സോഷ്യല് മീഡിയയില് നടിക്ക് ഇന്സ്റ്റാഗ്രാമില് മാത്രം 20.3 ദശലക്ഷം ഫോളോവേഴ്സ് ഉണ്ട്. ബ്രാന്ഡ് പ്രമോഷന് നടത്തുമ്പോഴും അനന്യയ്ക്ക് പ്രയോജനം ലഭിക്കുന്നു. നടന് ചുങ്കി പാണ്ഡെയുടെ മകളായ അനന്യയ്ക്ക് കുട്ടിക്കാലം മുതല് സിനിമയില് അഭിനയിക്കാനുള്ള ആഗ്രഹമുണ്ടായിരുന്നു. അച്ഛനെപ്പോലെ ബോളിവുഡില് ഒരു ഇടം നേടാന് അവര് ആഗ്രഹിച്ചു. 21ാം വയസില്, സ്റ്റുഡന്റ് ഒഫ് ദി ഇയര് 2 എന്ന ചിത്രത്തിലൂടെയാണ് അനന്യ ബോളിവുഡില് അരങ്ങേറ്റം കുറിച്ചത്. അതിനിടെയാണ് കേസില് പെടുന്നത്.
അതേസമയം ലഹരി ഉപയോഗിക്കുകയോ വിതരണം ചെയ്യുകയോ ചെയ്തിട്ടില്ലെന്നും ആര്യനുമായി ലഹരിക്കാര്യങ്ങളൊന്നും സംസാരിച്ചിട്ടില്ലെന്നും അനന്യ പറയുന്നു. എന്നാല്, 2018-19ല് അനന്യ ആര്യനു ലഹരിമരുന്ന് ഇടപാടുകാരുടെ നമ്പറുകള് നല്കിയെന്നും 3 വട്ടം ലഹരി വാങ്ങാന് സഹായിച്ചെന്നും ചാറ്റുകളില് ഉണ്ടെന്നാണ് എന്സിബി അവകാശവാദം. ആര്യന്റെ ചാറ്റില് നിന്നുള്ള വിവരമനുസരിച്ച് 24 വയസ്സുള്ള ലഹരി ഇടപാടുകാരനെ കസ്റ്റഡിയില് എടുത്തതായി എന്സിബി അറിയിച്ചു.
അതിനിടെ, സിനിമക്കാരെ ഭീഷണിപ്പെടുത്തി പണം തട്ടുകയാണ് എന്സിബി മുംബൈ മേധാവിയായ സമീര് വാങ്കെഡെയുടെ ലക്ഷ്യമെന്ന് എന്സിപി നേതാവും മഹാരാഷ്ട്ര മന്ത്രിയുമായ നവാബ് മാലിക് ആരോപിച്ചു. അവധി ചെലവഴിക്കാന് സിനിമാതാരങ്ങള് എത്തുന്ന ദുബായ്, മാലദ്വീപ് എന്നിവിടങ്ങളില് വാങ്കെഡെ കോവിഡ് കാലത്ത് സന്ദര്ശനം നടത്തിയത് ഇതുദ്ദേശിച്ചാണെന്നും കുറ്റപ്പെടുത്തി. ദുബായിലെ ഹോട്ടലില് നിന്നുള്ള ചിത്രങ്ങളും ട്വിറ്ററില് പങ്കുവച്ചു. ഫോട്ടോകള് കൃത്രിമമാണെന്നും നിയമനടപടി സ്വീകരിക്കുമെന്നും വാങ്കെഡെ അറിയിച്ചു.
"
https://www.facebook.com/Malayalivartha
