റാന്നി അങ്ങാടി പേട്ടയിലുണ്ടായ സംഘർഷത്തിൽ കുത്തേറ്റു. അങ്ങാടി വരവൂര്‍ സ്വദേശി അനിലിനാണ് (45) കുത്തേറ്റിരിക്കുന്നത്. ഇദ്ദേഹത്തെ തിരുവല്ല സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. സംഭവുമായി ബന്ധപ്പെട്ട് റാന്നി ചെത്തോങ്കര സ്വദേശി സന്തോഷിനെയാണ് പിടികൂടിയിരിക്കുന്നത്.

ഞായറാഴ്ച രാവിലെ 11 മണിയോടെ പേട്ട തീയറ്ററിനു സമീപമാണ് സംഭവം നടന്നത്. പേട്ടയിലെ കടയില്‍ ഹാന്‍സ് വില്‍ക്കുന്നത് സംബന്ധിച്ച്‌ സന്തോഷ് പറഞ്ഞത്രേ. ഇത് ചോദിക്കാനെത്തിയ അനിലും സംഘവും സന്തോഷുമായി തര്‍ക്കവും ഉന്തും തള്ളുമായി.

തര്‍ക്കം കൂടിയപ്പോള്‍ ഇവര്‍ സന്തോഷിനെ മര്‍ദ്ദിച്ചതായി പറയുന്നു. ഇതില്‍ പ്രകോപിതനായി കത്തിയെടുത്ത് അനിലിന്‍റെ കൈക്ക് കുത്തി. തടയാന്‍ ചെന്നപ്പോള്‍ വീണ്ടും കുത്തി പരിക്കേല്‍പ്പിച്ചു.

ഉടനെ തന്നെ റാന്നി പോലീസെത്തി സന്തോഷിനെ കസ്റ്റഡിയിലെടുത്തു. പരിക്കേറ്റ അനിലിനെ നാട്ടുകാര്‍ ആശുപത്രിയിലെത്തിച്ചു. സന്തോഷിനെ പോലീസ് അറസ്റ്റു ചെയ്തു.