വീട്ടു തടങ്കലിൽ പ്രായപൂര്‍ത്തിയാകാത്ത പെണ്‍കുട്ടിയെ പാര്‍പ്പിച്ച്‌ അമ്മയും കാമുകനും ചേര്‍ന്ന് ക്രൂരമായി ലൈംഗിക പീഡനത്തിനിരയാക്കി. സംഭവത്തിൻെ കുറിച്ചുള്ള വിവരം ലഭിച്ചതിനെ തുടർന്ന് എത്തിയ ചൈല്‍ഡ് ലൈന്‍ പ്രവര്‍ത്തകരും, പോലീസും ചേര്‍ന്ന് കുട്ടിയെ രക്ഷിക്കുകയായിരുന്നു. സംഭവത്തില്‍ പോലീസ് അമ്മയെ അറസ്റ്റ് ചെയ്തു.

പതിനൊന്നു വയസ്സുകാരിയായ പെൺകുട്ടിയ്ക്കാണ് പീഡനാനുഭവം നേരിട്ടിരിക്കുന്നത്. മറ്റൊരു ജില്ലയില്‍ നിന്നും അടുത്തിടെയാണ് യുവതിയും കാമുകനും കുട്ടിയുമായി മലപ്പുറത്ത് എത്തിയത്. തുടര്‍ന്ന് വീടെടുത്ത് താമസം ആക്കുകയായിരുന്നു. ഭര്‍ത്താവുമായി വേര്‍പിരിഞ്ഞ ശേഷമാണ് യുവതി മകളുമായി കാമുകനൊപ്പം താമസം ആരംഭിച്ചത്.

വീട്ടു തടങ്കലില്‍ പാര്‍പ്പിച്ച്‌ കുട്ടിയെ പീഡിപ്പിച്ചുവരികയാണെന്ന് അറിഞ്ഞ യുവതിയുടെ പിതാവാണ് പോലീസില്‍ പരാതി നല്‍കിയത്. ക്രൂരമായ പീഡനമാണ് കുട്ടിക്ക് നേരെ പല തവണകളായി ഉണ്ടായതെന്ന് സി.ഡബ്ലിയു.സി ചെയര്‍മാന്‍ വ്യക്തമാക്കുന്നു.