ബസ് ചാര്ജ് വര്ധിപ്പിക്കാതെ മുന്നോട്ട് പോകാനാകില്ല; നവംബര് ഒമ്പതു മുതല് സ്വകാര്യ ബസ് ഉടമകള് അനിശ്ചിതകാല സമരത്തിലേക്ക്
സംസ്ഥാനത്ത് നവംബര് ഒമ്ബതു മുതല് സ്വകാര്യ ബസ് ഉടമകള് അനിശ്ചിതകാല സമരത്തിലേക്ക്. കേരള സ്റ്റേറ്റ് ബസ് ഓപ്പറേറ്റേഴ്സ് ഫെഡറേഷനാണ് സമരം പ്രഖ്യാപിച്ചത്. ബസ് ചാര്ജ് വര്ധിപ്പിക്കാതെ മുന്നോട്ട് പോകാനാകില്ലെന്ന് ഉടമകള് അറിയിച്ചു.
കോവിഡ് കാലത്ത് ഡീസല് വില വര്ധിക്കുന്നുവെന്നും ഇങ്ങനെ തുടര്ന്നാല് ഈ വ്യവസായത്തിന് പിടിച്ച് നില്ക്കാന് പറ്റുന്നില്ലെന്നും ബസ് ഉടമകള് അറിയിച്ചു. മിനിമം ചാര്ജ് 12 രൂപയെങ്കിലും ആക്കണമെന്നാണ് ബസുടമകളുടെ ആവശ്യം. വിദ്യാര്ഥികളുടെ മിനിമം യാത്രാനിരക്ക് 6 രൂപയാക്കുക, നികുതിയിളവ് നല്കുക തുടങ്ങിയ ആവശ്യങ്ങളും ബസുടമകള് മുന്നോട്ട് വെക്കുന്നു.
മുമ്ബ് പ്രഖ്യാപിച്ച സമരം മാറ്റിവെച്ചതാണെന്നും ഉടമകള് അറിയിച്ചു. ജസ്റ്റിസ് രാമചന്ദ്രന് കമ്മീഷന് നല്കിയിരിക്കുന്ന ശിപാര്ശ അടിയന്തരമായി നടപ്പാക്കണമെന്നും നിരക്ക് വര്ധനവ് ആവശ്യപ്പെട്ട് പലവട്ടം സര്ക്കാരിനെ സമീപിച്ചെങ്കിലും അനുകൂല സമീപനമുണ്ടാകാതിരുന്നതോടെയാണ് സമരത്തിലേക്ക് നീങ്ങുന്നതെന്നും ബസ് ഉടമകള് പറഞ്ഞു.
https://www.facebook.com/Malayalivartha