ദീപാവലി ആഘോഷം..... രാസ, ശബ്ദ മലിനീകരണം കുറഞ്ഞതും പൊടിപടലങ്ങള് സൃഷ്ടിക്കാത്തതുമായ 'ഹരിത പടക്കങ്ങള്' (ഗ്രീന് ക്രാക്കേഴ്സ്) മാത്രമേ ഉപയോഗിക്കാവൂ എന്ന് സംസ്ഥാന മലിനീകരണ നിയന്ത്രണ ബോര്ഡ്, പടക്കങ്ങള് ഉപയോഗിക്കുന്ന സമയം രാത്രി എട്ടുമുതല് പത്തുവരെയാക്കി നിജപ്പെടുത്തി ആഭ്യന്തര വകുപ്പും ഉത്തരവിറക്കി
ദീപാവലി ആഘോഷങ്ങളുടെ ഭാഗമായി രാസ, ശബ്ദ മലിനീകരണം കുറഞ്ഞതും പൊടിപടലങ്ങള് സൃഷ്ടിക്കാത്തതുമായ 'ഹരിത പടക്കങ്ങള്' (ഗ്രീന് ക്രാക്കേഴ്സ്) മാത്രമേ ഉപയോഗിക്കാവൂ എന്ന് സംസ്ഥാന മലിനീകരണ നിയന്ത്രണ ബോര്ഡ്.
പടക്കങ്ങള് ഉപയോഗിക്കുന്ന സമയം ദീപാവലിക്ക് രാത്രി എട്ടുമുതല് പത്തുവരെയാക്കി നിജപ്പെടുത്തി ആഭ്യന്തര വകുപ്പും ഉത്തരവിറക്കി.
ആശുപത്രികള്, കോടതികള്, വിദ്യാഭ്യാസ സ്ഥാപനങ്ങള്, ആരാധനാലയങ്ങള് തുടങ്ങിയവയുടെ 100 മീറ്ററിനുള്ളില് ശബ്ദമുണ്ടാക്കുന്ന പടക്കങ്ങള് പൊട്ടിക്കാന് പാടില്ലെന്നും നിര്ദേശമുണ്ട്.
അതേസമയം ഉത്തരേന്ത്യയില് ദീപാവലി ആഘോഷം അഞ്ച് നാളുകള് നീളുന്നുവെങ്കില് ദക്ഷിണേന്ത്യയില് ദീപാവലി ആഘോഷം പ്രധാനമായും ഒരു ദിവസം മാത്രമേയുള്ളൂ.ദീപങ്ങളുടെ ഉത്സവമായ ദീപാവലിയെ വ്യത്യസ്തമാക്കുന്നത് അതുമായി ബന്ധപ്പെട്ട ഐതിഹ്യകഥകളാണ്.
നരകാസുരവധം മുതല് വര്ധമാന മഹാവീര നിര്വാണം വരെ അവ നീണ്ടു കിടക്കുന്നു. എങ്കിലും ദുര്ഗാദേവിയുടെ നരകാസുരവധകഥയ്ക്കാണ് ഏറ്റവും കൂടുതല് പ്രചാരം.
https://www.facebook.com/Malayalivartha
