കേന്ദ്ര സർക്കാർ ഇന്ധന നികുതി കുറച്ചാൽ സംസ്ഥാനവും നികുതി വേണ്ടെന്ന് വെക്കാമെന്ന പഴയ ധനമന്ത്രി ഡോ. തോമസ് ഐസക് നൽകിയ വാക്ക് പാലിക്കാൻ പിണറായി സർക്കാർ തയ്യാറാകണമെന്ന ആവശ്യവുമായി സന്ദീപ് വചസ്പതി പറഞ്ഞു. അദ്ദേഹത്തിന്റെ വാക്കുകൾ ഇങ്ങനെ; കേന്ദ്ര സർക്കാർ ഇന്ധന നികുതി കുറച്ചാൽ സംസ്ഥാനവും നികുതി വേണ്ടെന്ന് വെക്കാമെന്ന പഴയ ധനമന്ത്രി ഡോ. തോമസ് ഐസക് നൽകിയ വാക്ക് പാലിക്കാൻ പിണറായി സർക്കാർ തയ്യാറാകണം.

അല്ലാതെ കേന്ദ്ര സർക്കാരിനെ കുറ്റം പറഞ്ഞ് ജനങ്ങളെ ദ്രോഹിക്കുകയല്ല വേണ്ടത്. കേന്ദ്രസർക്കാരിനെ പഴി പറഞ്ഞ് പെട്രോളിന്റെ അധിക നികുതി കുറയ്ക്കാത്ത പിണറായി സർക്കാരിന്റെ നടപടി ജനങ്ങളോടുള്ള വെല്ലുവിളിയാണ്. കേന്ദ്ര സർക്കാർ നികുതി കുറച്ചിട്ടും പെട്രോളിയം ഉത്പന്നങ്ങളുടെ അധിക നികുതി കുറയ്ക്കാത്ത പിണറായി വിജയൻ സർക്കാരിന്റെ നടപടിക്കെതിരെ ബി.ജെ.പി.

ആലപ്പുഴ ജില്ലാ കമ്മറ്റി നടത്തിയ പ്രതിഷേധ മാർച്ച് ഉത്‌ഘാടനം ചെയ്തു. ബി.ജെ.പി. ജില്ലാ പ്രസിഡന്റ് എം.വി. ഗോപകുമാർ അധ്യക്ഷനായിരുന്നു. ജില്ലാ സെൽ കോർഡിനേറ്റർ ജി. വിനോദ് കുമാർ, നിയോജക മണ്ഡലം പ്രസിഡന്റ് സജി.പി. ദാസ് , ജനറൽ സെക്രട്ടറിമാരായ ജി. മോഹനൻ, വി.ബാബുരാജ്, യുവമോർച്ച ജില്ലാ പ്രസിഡന്റ് അനീഷ് തിരുവമ്പാടി, 

ബിജെപി ജില്ലാ കമ്മറ്റി അംഗം അഡ്വ. ഗണേഷ് കുമാർ, മോർച്ച മണ്ഡലം പ്രസിഡന്റുമാരായ ആശാ ലാൽജി , അനിൽ കുമാർ, വിശ്വ വിജയ പാൽ മണ്ഡലം ഭാരവാഹികളായ എൻ.ഡി. കൈലാസ്, എന്നിവർ സമരത്തിന് നേതൃത്വം നൽകി .