ഉലകനായകൻ കമൽഹാസന് ജന്മദിനാശംസകൾ നേർന്ന് മുഖ്യമന്ത്രി പിണറായി വിജയൻ. കേരളത്തിന്റെ എല്ലാ ആവശ്യങ്ങൾക്കും കമൽഹാസൻ ഒപ്പമുണ്ടായിരുന്നെന്ന് മുഖ്യമന്ത്രി ട്വിറ്ററിൽ കുറിച്ചു. ഞങ്ങളുടെ സിനിമയ്‌ക്കും സംസ്കാരത്തിനും നിങ്ങള്‍ നല്‍കിയ വിലപ്പെട്ട സംഭാവനകളില്‍ ഞങ്ങള്‍ അഭിമാനിക്കുന്നതായും മുഖ്യമന്ത്രി പറഞ്ഞു. കമൽഹാസന്റെ അറുപത്തിയേഴാം ജന്മദിനമായിരുന്നു ഇന്ന്.

മുഖ്യമന്ത്രി പിണറായി വിജയന്റെ ട്വീറ്റ്:

'പ്രിയ കമലഹാസന് ജന്മദിനാശംസകള്‍ , എല്ലാ ആവശ്യങ്ങളിലും നിങ്ങള്‍ എന്നും കേരളത്തിനൊപ്പം നിന്നു. ഞങ്ങളുടെ സിനിമയ്‌ക്കും സംസ്കാരത്തിനും നിങ്ങള്‍ നല്‍കിയ വിലപ്പെട്ട സംഭാവനകളില്‍ ഞങ്ങള്‍ അഭിമാനിക്കുന്നു.നിങ്ങളുടെ ജീവിതത്തിലും കരിയറിലും കൂടുതല്‍ സന്തോഷവും വിജയവും ഞാന്‍ നേരുന്നു.'