വായ ശുചിയാക്കാത്തവര്ക്ക് കൊവിഡ് പിടിപെട്ടാല് ഗുരുതരമായ രോഗലക്ഷണങ്ങളുണ്ടാകും; ശുചിത്വമില്ലാത്ത വായ കൊവിഡ് സാധ്യത വർധിപ്പിക്കാൻ കാരണമാകുമെന്ന് പുതിയ പഠനം
കൊവിഡിന്റെ തീവ്രത വര്ധിപ്പിക്കുന്നതില് പ്രമേഹം, ഹൃദയ സംബന്ധമായ രോഗങ്ങള്, വൃക്കസംബന്ധമായ അസുഖങ്ങള് എന്നിവയാണ് മുന്നിരയിലെന്നായിരുന്നു കണ്ടെത്തല്.
എന്നാല് ശുചിത്വമില്ലാത്ത വായ കൊവിഡ് സാധ്യത വര്ധിപ്പിക്കുന്നതിന് കാരണമാകുന്നതായാണ് പുതിയ പഠനം. ബ്രിട്ടീഷ് ഡെന്റല് ജേണലില് പ്രസിദ്ധീകരിച്ച പഠനത്തിലാണ് വൃത്തിയില്ലാത്ത വായയും മോണരോഗങ്ങളും കൊവിഡിന്റെ തീവ്രത വര്ധിപ്പിച്ചേക്കാമെന്ന് പറയുന്നത്.
വായ ശുചിയാക്കാത്തവര്ക്ക് കൊവിഡ് പിടിപെട്ടാല് ഗുരുതരമായ രോഗലക്ഷണങ്ങളുണ്ടാകുമെന്ന് ഗവേഷണങ്ങള് സൂചിപ്പിക്കുന്നു. മോണരോഗമുള്ള കൊവിഡ് രോഗികള് തീവ്രപരിചരണ വിഭാഗത്തില് പ്രവേശിപ്പിക്കപ്പെടാനുള്ള സാധ്യത മൂന്ന് മടങ്ങ് കൂടുതലാണെന്നും പഠനത്തില് പറയുന്നു. ഇത്തരക്കാര് കൊവിഡ് ബാധിച്ച് മരിക്കാനുള്ള സാധ്യത ഒമ്ബത് മടങ്ങുമാണെന്നും പഠനത്തില് വ്യക്തമാക്കുന്നു.
ദന്താരോഗ്യം നിലനിര്ത്തുന്നത് കൊവിഡിന്റെ പ്രത്യാഘാതങ്ങള് കുറയ്ക്കുന്നതിന് ഉത്തമമാണെന്ന് വിദഗ്ധര് അഭിപ്രായപ്പെടുന്നു. കൊവിഡിന്റെയും മറ്റ് ശ്വാസകോശ വൈറല് രോഗങ്ങളുടെയും പ്രധാനകാരണം ബാക്ടീരിയ സൂപ്പര് ഇന്ഫെക്ഷനുകളാണ്. കൊവിഡ് ബാധിതരില് ബാക്ടീരിയ സൂപ്പര് ഇന്ഫെക്ഷനുകള് സാധാരണമാണ്.
https://www.facebook.com/Malayalivartha
