മുന് ധനമന്ത്രി കെ.എം. മാണിയുടെ ബജറ്റ് പ്രസംഗം തടസപ്പെടുത്താന് ശ്രമിച്ച കേസില് മന്ത്രി വി. ശിവന്കുട്ടി അടക്കമുള്ള ഇടതു നേതാക്കള് ഇന്ന് കോടതിയില് ഹാജരാകും... കേസിലെ പ്രതികള് എല്ലാവരും ഇന്ന് ഹാജരായാല് കുറ്റപത്രം കോടതി വായിക്കും, തിരുവനന്തപുരം ചീഫ് ജുഡീഷല് മജിസ്ട്രേറ്റ് കോടതിയാണ് കേസ് പരിഗണിക്കുന്നത്
22 NOVEMBER 2021 07:25 AM IST
മലയാളി വാര്ത്ത
മുന് ധനമന്ത്രി കെ.എം. മാണിയുടെ ബജറ്റ് പ്രസംഗം തടസപ്പെടുത്താന് ശ്രമിച്ച കേസില് മന്ത്രി വി. ശിവന്കുട്ടി അടക്കമുള്ള ഇടതു നേതാക്കള് ഇന്ന് കോടതിയില് ഹാജരാകും.
കേസിലെ ആറു പ്രതികളുടെയും വിടുതല് ഹര്ജി തള്ളിയ സാഹചര്യത്തില് പ്രതികളോട് നേരിട്ട് കോടതില് ഹാജരാകാന് നിര്ദേശിച്ചിരുന്നു.
കേസിലെ പ്രതികള് എല്ലാവരും ഇന്ന് ഹാജരായാല് കുറ്റപത്രം കോടതി വായിക്കും.വിദ്യാഭ്യാസ മന്ത്രി വി. ശിവന്കുട്ടി, ഇടതു നേതാക്കളായ ഇ.പി.ജയരാജന്, കെ.ടി. ജലീല്, കെ. അജിത്, കെ. കുഞ്ഞഹമ്മദ്, സി.കെ. സദാശിവന് എന്നിവരാണ് പ്രതികള്. തിരുവനന്തപുരം ചീഫ് ജുഡീഷല് മജിസ്ട്രേറ്റ് കോടതിയാണ് കേസ് പരിഗണിക്കുന്നത്.
2015 മാര്ച്ച് 13ന് അന്നത്തെ ധനമന്ത്രി കെ.എം. മാണി ബജറ്റ് അവതരിപ്പിക്കുന്നത് തടയാന് ആക്രമണം നടത്തി 2.20 ലക്ഷം രൂപയുടെ നഷ്ടം വരുത്തിയെന്നാണ് കേസ്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
