ദത്ത് വിവാദ കേസിൽ ഡിഎന്എ പരിശോധനയ്ക്കായി അനുപമയുടെയും അജിത്തിന്റെയും സാമ്പിള് ശേഖരിച്ചു; തന്റെ കുഞ്ഞിന്റെ സാമ്പിള് തന്നെയാണോ എടുത്തതെന്ന് ഉറപ്പില്ല, അട്ടിമറിയുണ്ടോയെന്ന് സംശയമുണ്ടെന്ന് അനുപമ
അമ്മ അറിയാതെ കുഞ്ഞിനെ ദത്ത് നല്കിയ കേസില് ഡിഎന്എ പരിശോധനയ്ക്കായി അനുപമയുടെയും അജിത്തിന്റെയും സാമ്ബിള് ശേഖരിച്ചു. രാജീവ് ഗാന്ധി സെന്റര് ഫോര് ബയോ ടെക്നോളജിയിലാണ് ഇരുവരും സാമ്ബിള് നല്കിയത്. കുഞ്ഞിന്റെ സാമ്ബിള് നേരത്തെ ശേഖരിച്ചിരുന്നു. തിരുവനന്തപുരം നിര്മ്മല ശിശുഭവനില് വച്ചാണ് കുഞ്ഞിന്റെ സാമ്ബിള് ശേഖരിച്ചത്. പരിശോധനാ ഫലം 48 മണിക്കൂറിനുള്ളില് ലഭിക്കും.
അതേസമയം, ദത്ത് വിവാദത്തില് അനുപമയെ കുഞ്ഞിനെ കാണിക്കുന്നതില് നിയമവശം പരിശോധിക്കുമെന്ന് മന്ത്രി വീണാ ജോര്ജ്. കോടതി വഴിമാത്രമെ കുഞ്ഞിനെ കൈമാറാനാകൂ. കോടതി വഴിയാകും നടപടികള്. ഇക്കാര്യത്തില് പോസീറ്റിവായ സമീപനമാണ് സര്ക്കാര് സ്വീകരിച്ചിട്ടുള്ളതെന്നും മന്ത്രി കൂട്ടിച്ചേര്ത്തു.
കുഞ്ഞിന്റെ അവകാശമാണ് പ്രധാനം. ഇതില് കോടതി അന്തിമ കാര്യങ്ങള് തീരുമാനിക്കും. കുഞ്ഞിനെ ദത്ത് നല്കിയ സ്ഥാപനത്തിന് ലൈസന്സില്ലെന്ന വാര്ത്ത തെറ്റാണ്. 2015ലെ നിയമമനുസരിച്ചു ഒരു ലൈസന്സ് മതി. അതുണ്ട്. മന്ത്രി എന്ന നിലയില് എഴുതി തന്ന പരാതി പോലും ഇല്ലാതെയാണ് താന് ഇടപെട്ടത്. വിഷയത്തിന്റെ ഗൗരവം കണ്ടത് കൊണ്ടാണ് ഇടപെട്ടത്. ഇന്നോ നാളെയോ റിപോര്ട്ട് കിട്ടും. അന്വേഷണം നടക്കുകയാണെന്നും മന്ത്രി അറിയിച്ചു.
എന്നാൽ, തന്റെ കുഞ്ഞിന്റെ സാമ്ബിള് തന്നെയാണോ എടുത്തതെന്ന് ഉറപ്പില്ലെന്നും അട്ടിമറിയുണ്ടെന്ന് സംശയമുണ്ടെന്നും അനുപമ സാമ്ബിള് നല്കിയ ശേഷം മാധ്യമങ്ങളോട് പറഞ്ഞു.
തന്റെയും ഭര്ത്താവിന്റെയും കുട്ടിയുടെയും ഡിഎന്എ സാംപിള് ഒരുമിച്ച് എടുക്കാത്തത് അംഗീകരിക്കാനാകില്ലെന്ന് അനുപമ രാവിലെയും പറഞ്ഞിരുന്നു. കുഞ്ഞിന്റെ ഡിഎന്എ പരിശോധനാ സാംപിളാണ് ആദ്യമെടുത്തത്. രാജീവ് ഗാന്ധി ബയോ ടെക്നോളജിയില് നിന്നുള്ള വിദഗ്ധര്, കുഞ്ഞിനെ താമസിപ്പിച്ചിരിക്കുന്ന നിര്മല ശിശുഭവനിലെത്തിയാണ് സാംപിള് ശേഖരിച്ചത്.
രാവിലെ പത്തരയോടെയെത്തി അരമണിക്കൂറിനുള്ളില് നടപടിക്രമങ്ങള് പൂര്ത്തിയാക്കി ഉദ്യോഗസ്ഥര് മടങ്ങി. ഉച്ചയ്ക്ക് രണ്ടരയ്ക്ക് സാംപിളെടുക്കാനായി എത്താന് അനുപമയോടും അജിത്തിനോടും ആവശ്യപ്പെടുകയായിരുന്നു. മൂന്ന് ദിവസത്തിനുള്ളില് തന്നെ പരിശോധനാഫലം വരുമെന്നാണ് പ്രതീക്ഷ. ഫലം പൊസിറ്റീവായാല് നിയമോപദേശം തേടിയ ശേഷം ശിശുക്ഷേമസമിതി തുടര്നടപടികള് എടുക്കും.
https://www.facebook.com/Malayalivartha
