കോവിഡ് വ്യാപനം രൂക്ഷമാകുന്നു; സംസ്ഥാനത്ത് ജില്ല തിരിച്ച് ഏര്പ്പെടുത്തിയ നിയന്ത്രണങ്ങള് ഇന്ന് മുതല്, പ്രതിരോധ നടപടികള് ആവിഷ്കരിച്ചിരിക്കുന്നത് മൂന്ന് വിഭാഗങ്ങളായി തിരിച്ച്, ഇവയില് ഉള്പ്പെടാത്ത ജില്ലകളില് നിലവിലെ നിയന്ത്രണങ്ങള് തുടരും
സംസ്ഥാനത്ത് കോവിഡ് വ്യാപനം അതിതീവ്രമാകുന്ന പശ്ചാത്തലത്തില് ജില്ല തിരിച്ച് ഏര്പ്പെടുത്തിയ നിയന്ത്രണങ്ങള് ഇന്ന് മുതല് പ്രാബല്യത്തില് വരികയുണ്ടായി. മൂന്ന് വിഭാഗങ്ങളായി തിരിച്ചാണ് പ്രതിരോധ നടപടികള് അതികൃതർ ആവിഷ്കരിച്ചിരിക്കുന്നത്. ഇവയില് ഉള്പ്പെടാത്ത ജില്ലകളില് നിലവിലെ നിയന്ത്രണങ്ങള് തുടരുന്നത്. ആള്കൂട്ടം ഒഴിവാക്കാന് പൊതുസ്ഥലങ്ങളില് പൊലീസിന്റെ കര്ശന പരിശോധനയുണ്ടാകുന്നതാണ്.
കാറ്റഗറി ഒന്ന്
ആശുപതിയില് പ്രവേശിപ്പിക്കുന്നവരുടെ നിരക്ക് ബേസ് ലൈന് തീയതിയില് നിന്ന് (ജനുവരി ഒന്ന്) ഇരട്ടിയാവുകയാണെങ്കില്, ഐസിയു വില് പ്രവേശിപ്പിക്കപ്പെട്ട കോവിഡ് രോഗികളുടെ നിരക്ക് 50 ശതമാനത്തില് കൂടുതലാവുകയാണെങ്കില് തന്നെ അവ കാറ്റഗറി ഒന്നില് ഉള്പ്പെടും നിലവില് എറണാകുളം, ആലപ്പുഴ, കൊല്ലം ജില്ലകളാണ് കാറ്റഗറി ഒന്നില് ഉള്ളത്. ഈ ജില്ലകളില് എല്ലാ സാമൂഹ്യ, സാംസ്കാരിക, രാഷ്ട്രീയ, മത, സാമുദായിക, പൊതുപരിപാടികള്ക്കും വിവാഹം, മരണാനന്തര ചടങ്ങുകള്ക്കും പരമാവധി 50 പേര്ക്ക് പങ്കെടുക്കാവുന്നതാണ്.
കാറ്റഗറി രണ്ട്
ജില്ലയില് ആശുപതിയില് പ്രവേശിപ്പിക്കപ്പെട്ടിട്ടുള്ള രോഗികളില് 10 ശതമാനത്തില് കൂടുതല് കോവിഡ് രോഗികള് ആകുന്നുവെങ്കില്, ഐസിയുവില് പ്രവേശിപ്പിക്കപ്പെട്ട കോവിഡ് രോഗികളുടെ നിരക്ക് ബേസ് ലൈന് തീയതിയില് നിന്ന് ഇരട്ടിയാവുകയാണെങ്കില് അവ കാറ്റഗറി രണ്ടില് ഉള്പ്പെടും. നിലവില് തിരുവനന്തപുരം, പാലക്കാട്, ഇടുക്കി, പത്തനംതിട്ട, വയനാട് ജില്ലകളാണ് കാറ്റഗറി രണ്ടില് ഉള്ളത്.
പ്രസ്തുത ജില്ലകളില് സാമൂഹ്യ, സാംസ്കാരിക, രാഷ്ട്രീയ, മത, സാമുദായിക, പൊതു പരിപാടികള് ഒന്നും തന്നെ അനുവദിക്കില്ല. മതപരമായ ആരാധനകള് ഓണ്ലൈന് ആയി മാത്രം നടത്തേണ്ടതാണ്. വിവാഹം, മരണാനന്തര ചടങ്ങുകള്ക്ക് പരമാവധി 20 ആളുകളെ മാത്രമേ അനുവദിക്കൂ.
കാറ്റഗറി മൂന്ന്
ജില്ലയില് ആശുപതിയില് പ്രവേശിപ്പിക്കപ്പെട്ടിട്ടുള്ള രോഗികളില് 25 ശതമാനത്തില് കൂടുതല് കോവിഡ് രോഗികള് ആകുന്നുവെങ്കില്, അവ കാറ്റഗറി മൂന്നില് ഉള്പ്പെടും. നിലവില് ഒരു ജില്ലയും ഈ കാറ്റഗറിയില് ഇല്ല. ഇത്തരം ജില്ലകളില് സാമൂഹ്യ, സാംസ്കാരിക, രാഷ്ട്രീയ, മത, സാമുദായിക പൊതു പരിപാടികള് ഒന്നും തന്നെ അനുവദിക്കില്ല. മതപരമായ ആരാധനകള് ഓണ്ലൈന് ആയി മാത്രം നടത്തേണ്ടതാണ്. വിവാഹം, മരണാനന്തര ചടങ്ങുകള്ക്ക് പരമാവധി 20 ആളുകളെ മാത്രമേ അനുവദിക്കൂ.
സിനിമ തീയേറ്ററുകള്, സ്വിമ്മിംഗ് പൂളുകള്, ജിമ്മുകള് എന്നിവയുടെ പ്രവര്ത്തനം അനുവദിക്കില്ല. ബിരുദ-ബിരുദാനന്തര തലത്തിലെ ഫൈനല് ഇയര് ക്ലാസ്സുകളും, പത്ത്, പന്ത്രണ്ട് ക്ലാസ്സുകളും ഒഴികെയുള്ള എല്ലാ ക്ലാസ്സുകളും (ട്യൂഷന് സെന്ററുകള് ഉള്പ്പെടെ) ഓണ്ലൈന് സംവിധാനത്തിലൂടെ മാത്രമേ അനുവദിക്കൂ. റസിഡന്ഷ്യല് വിദ്യാഭ്യാസ സ്ഥാപനങ്ങള് ബയോ ബബിള് മാതൃകയില് പ്രവര്ത്തിക്കുകയാണെങ്കില് ഇത് ബാധകമല്ല.
https://www.facebook.com/Malayalivartha
