കോവിഡ് രോഗവ്യാപനം കുതിച്ചുയരുമ്പോളും പാര്ട്ടി ജില്ലാ സമ്മേളനങ്ങളുമായി മുന്നോട്ടു പോകുമെന്ന സിപിഎം പ്രഖ്യാപനം കേരളത്തോടുള്ള വെല്ലുവിളിയാണ്; സിപിഎം ഉത്തരവാദിത്തം കാട്ടണമെന്ന് കേന്ദ്രമന്ത്രി വി.മുരളീധരന്
സിപിഎം ഉത്തരവാദിത്തം കാട്ടണമെന്ന് ചൂണ്ടിക്കാണിച്ച് കേന്ദ്രമന്ത്രി വി.മുരളീധരന് രംഗത്ത്. കോവിഡ് രോഗവ്യാപനം കുതിച്ചുയരുമ്പോളും പാര്ട്ടി ജില്ലാ സമ്മേളനങ്ങളുമായി മുന്നോട്ടു പോകുമെന്ന സിപിഎം പ്രഖ്യാപനം കേരളത്തോടുള്ള വെല്ലുവിളിയാണെന്ന് വി.മുരളീധരന്.
ജനങ്ങളോട് ഉത്തരവാദിത്തമുണ്ടെങ്കില് സമ്മേളനങ്ങള് മാറ്റിവയ്ക്കാന് സിപിഎം തയ്യാറാവണം. വൈറസിന്റെ മൊത്ത വിതരണം ഏറ്റെടുത്തിരിക്കുകയാണ് ഭരണകക്ഷി. പ്രതിനിധികള്ക്ക് രോഗം സ്ഥിരീകരിച്ചിട്ടും തിരുവനന്തപുരം ജില്ലാ സമ്മേളനം നിര്ത്തിവയ്ക്കാതിരുന്നത് വലിയ തോതില് രോഗവ്യാപനത്തിന് ഇടയാക്കി.
കോവിഡ് വ്യാപനം രൂക്ഷമായ തൃശൂരും കാസര്ഗോഡും സമ്മേളനങ്ങള് നടത്തുന്നത് തികഞ്ഞ അഹന്തയാണെന്ന് മന്ത്രി ചൂണ്ടിക്കാട്ടി. ജനങ്ങളുടെ ജീവന് വച്ചുള്ള അപകടകരമായ ഈ കളി അവസാനിപ്പിക്കാന് സിപിഎം തയ്യാറാവണം. കേന്ദ്രകമ്മിറ്റിയില് രോഗം സ്ഥിരീകരിച്ചിട്ടും ക്വാറന്റൈനില് പോകാതിരുന്ന പിണറായി വിജയനും കോടിയേരി ബാലകൃഷ്ണനും തെളിച്ച പാതയിലൂടെയാണ് ജില്ലാ നേതൃത്വങ്ങള് പോവുന്നതെന്നും വി.മുരളീധരന് കുറ്റപ്പെടുത്തി.
https://www.facebook.com/Malayalivartha
