കണ്ണില്ലാത്ത ക്രൂരത.... വൈക്കത്ത് മദ്യലഹരിയില് മാതാവിനെ അടിച്ചുവീഴ്ത്തി തോട്ടില് മുക്കിക്കൊലപ്പെടുത്തിയ മകന് അറസ്റ്റില്....
കണ്ണില്ലാത്ത ക്രൂരത... വൈക്കത്ത് മദ്യലഹരിയില് മാതാവിനെ അടിച്ചുവീഴ്ത്തി തോട്ടില് മുക്കിക്കൊലപ്പെടുത്തിയ മകന് അറസ്റ്റില്. വൈക്കം ഉദയനാപുരം വൈക്കപ്രയാര് കണിയാംതറ താഴ്ച വീട്ടില് പരേതനായ സുരേന്ദ്രന്റെ ഭാര്യ മന്ദാകിനി (76) ആണ് ദാരുണമായി കൊല്ലപ്പെട്ടത്.
ഇന്നലെ ഉച്ചയ്ക്ക് ഒന്നരയോടെയായിരുന്നു സംഭവം നടന്നത്. മകന് ബൈജു (38) നെ വൈക്കം പൊലീസ് കസ്റ്റഡിയില് എടുത്തു.. സമീപത്ത് താമസിക്കുന്ന മന്ദാകിനിയുടെ മൂത്ത മകന് ബിജു വീട്ടിലേക്ക് വഴി തീര്ക്കുന്നതിനായി പൂഴി ഇറക്കി നിരത്തി കൊണ്ടിരുന്നപ്പോള് ബൈജുവിനോട് സഹായിക്കാന് പറഞ്ഞതാണ് തര്ക്കത്തിലേക്കും കൊലപാതകത്തിലേക്കും നയിച്ചത്.
കലഹം മൂര്ച്ഛിച്ച് മാതാവിനെ മര്ദ്ദിച്ചതോടെ നാട്ടുകാര് പൊലീസില് അറിയിച്ചു. അപകടത്തില് തലയ്ക്ക് ഗുരുതരമായി പരിക്കേറ്റിട്ടുള്ള ബൈജു മദ്യപിച്ചു കഴിഞ്ഞാല് അക്രമാസക്തനാകുന്നതിനാല് മാതാവിനെ ആശുപത്രിയില് എത്തിക്കാന് ബന്ധുക്കളോട് നിര്ദ്ദേശിച്ച് പൊലീസ് മടങ്ങി.
പിന്നീട് 3.30 ഓടെ മാതാവുമായി വീണ്ടും തര്ക്കത്തിലേര്പ്പെട്ട ബൈജു ക്രൂരമായി മര്ദ്ദിച്ച ശേഷം വീടിന് സമീപത്തുള്ള തോട്ടിലേക്കു വലിച്ചിഴച്ച് കൊണ്ടു പോയി. കൈകള് പിറകിലോട്ട് കെട്ടി തോട്ടിലേക്ക് തള്ളിയിട്ടു. രക്ഷപ്പെടാന് മന്ദാകിനി ശ്രമിച്ചെങ്കിലും ബൈജു തോട്ടിലെ ചെളിയിലേക്ക് ചവിട്ടി താഴ്ത്തിക്കൊണ്ടിരുന്നു. ഇതിനിടെ സമീപത്തുണ്ടായിരുന്ന തൊഴിലുറപ്പ് തൊഴിലാളികള് ഓടിയെത്തിയെങ്കിലും ബൈജു അരിവാള് വീശി ഭീഷണി മുഴക്കി.
വൈക്കം താലൂക്ക് ആശുപത്രിയിലും പിന്നീട് കോട്ടയം മെഡിക്കല് കോളേജിലും പ്രവേശിപ്പിച്ചെങ്കിലും ജീവന് രക്ഷിക്കാനായില്ല. ശ്വാസകോശത്തില് ചെളി നിറഞ്ഞതാണ് മരണകാരണമെന്ന് ഡോക്ടര്മാര്.
"
https://www.facebook.com/Malayalivartha