ട്രാന്സ്ജെന്ഡറിനെ കണ്ടപാടെ പിടിച്ച് നിർത്തി! ഫോണ്നമ്പര് ചോദിച്ചപ്പോൾ കൊടുക്കാതിരുന്നതോടെ ദേഷ്യം കൂടി... പരസ്യമായി കടന്നുപിടിച്ച് ഉപദ്രവിച്ച 23കാരനെ പോലീസ് പൊക്കി! കൊല്ലത്ത് സംഭവിച്ചത്....
ട്രാന്സ്ജെന്ഡറിനെ പിടിച്ചുനിര്ത്തി ഫോണ്നമ്പര് ചോദിക്കുകയും പരസ്യമായി കടന്നുപിടിച്ച് ഉപദ്രവിക്കുകയും ചെയ്തയാള് അറസ്റ്റില്. കിളികൊല്ലൂര് കൊച്ചുകുളം മണലില്വീട്ടില് വാടകയ്ക്കു താമസിക്കുന്ന ഷെഫീക്ക് (23) ആണ് പോലീസ് പിടിയിലായത്.കഴിഞ്ഞ ഡിസംബര് 22-ന് വൈകീട്ട് അയത്തില് ജങ്ഷനുവടക്ക് റോഡ് സൈഡില്വെച്ച് ഇയാള് ട്രാന്സ്ജെന്ഡറെ പിടിച്ചുനിര്ത്തി ഫോണ് നമ്പര് ചോദിച്ചു.
നല്കാന് തയ്യാറാകാതിരുന്നതിനെത്തുടര്ന്ന് കടന്നുപിടിച്ച് അപമാനിക്കുകയും ഉപദ്രവിക്കുകയുമായിരുന്നു. അവര് നല്കിയ പരാതിയില് ഇയാള്ക്കെതിരേ അപമാനിച്ചതിനും ദേഹോപദ്രവമേല്പ്പിച്ചനും കേസ് രജിസ്റ്റര് ചെയ്തു. പോലീസ് അന്വേഷിക്കുന്നതറിഞ്ഞ് ഒളിവില് പോയ ഷെഫീക്കിനെ കഴിഞ്ഞദിവസം അയത്തില്നിന്നാണ് പിടികൂടിയത്.
ഇയാള് കൊലപാതകക്കേസില് ജാമ്യത്തിലിറങ്ങിയതാണ്. കിളികൊല്ലൂര് ഇന്സ്പെക്ടര് കെ.വിനോദിന്റെ നേതൃത്വത്തില് എസ്.ഐ. അനീഷ്, എ.എസ്.ഐ.മാരായ പ്രകാശ്ചന്ദ്രന്, ലതിക, ജിജു, സുനില്കുമാര് സി.പി.ഒ.മാരായ സാജ്, സാജന് എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ റിമാന്ഡ് ചെയ്തു.
https://www.facebook.com/Malayalivartha
