സുഹൃത്തുക്കള്ക്കൊപ്പം തമിഴ്നാട്ടിലെ പള്ളികളില് തീര്ഥാടനം നടത്തി വീട്ടിലെത്തി ഭക്ഷണം കഴിച്ച ശേഷം ഉറങ്ങാന് കടല്ത്തീരത്തേക്ക് പോയ യുവാവ് രാവിലെയായപ്പോള് മരവിച്ചശരീരമായി കിടക്കുന്നു.... ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല
സുഹൃത്തുക്കള്ക്കൊപ്പം തമിഴ്നാട്ടിലെ പള്ളികളില് തീര്ഥാടനം നടത്തി വീട്ടിലെത്തി ഭക്ഷണം കഴിച്ച ശേഷം ഉറങ്ങാന് കടല്ത്തീരത്തേക്ക് പോയ യുവാവ് രാവിലെയായപ്പോള് മരവിച്ചശരീരമായി കിടക്കുന്നു.... ഉടന് ആശുപത്രിയില് എത്തിച്ചെങ്കിലു ജീവന് രക്ഷിക്കാനായില്ല.
നെയ്യാറ്റിന്കര കടല്ത്തീരത്ത് ഉറങ്ങാന് പോയ മത്സ്യ തൊഴിലാളിയായ യുവാവിനെയാണ് മരിച്ച നിലയില് കണ്ടെത്തിയത്. പുതിയതുറ വാറുതട്ട് പുരയിടത്തില് ക്രിസ്തുദാസിന്റെയും റീത്തമ്മയുടെയും മകന് റീജന് ക്രിസ്തുദാസിനെയാണ് മിനിഞ്ഞാന്ന് പുലര്ച്ചെ മരിച്ച നിലയില് കണ്ടെത്തിയത്. 31 വയസായിരുന്നു. പോസ്റ്റ്മോര്ട്ടത്തിന് ശേഷം മൃതദേഹം ഇന്നലെ പുതിയതുറ സെന്റ് നിക്കോളാസ് ദേവാലയത്തില് സംസ്കരിച്ചു.
കൂട്ടുകാരോടൊപ്പം തമിഴ്നാട്ടിലെ പള്ളികളില് തീര്ഥാടനം നടത്തിയ റീജന് വീട്ടിലെത്തി, ഭക്ഷണം കഴിച്ച ശേഷമാണ് റീജന് കടല്ത്തീരത്ത് ഉറങ്ങാന് പോയതെന്നാണ് വീട്ടുകാര് പറയുന്നത്.
ഉറങ്ങിക്കിടന്ന റീജന്, പ്രാഥമിക ആവശ്യങ്ങള്ക്കായി എഴുന്നേറ്റപ്പോള് ക്ഷീണം അനുഭവപ്പെട്ടതായും പിന്നീട് അവിടെ തന്നെ കിടന്നുറങ്ങിയെന്നും ഒപ്പമുണ്ടായിരുന്നവര് പറഞ്ഞതായും ബന്ധുക്കള് പറയുന്നു. രാവിലെ നോക്കുമ്പോള് മരവിച്ച നിലയിലായിരുന്നു ശരീരം. കാഞ്ഞിരംകുളത്തെ സ്വകാര്യ ആശുപത്രിയിലും അവിടെ നിന്ന് നെയ്യാറ്റിന്കര ജനറല് ആശുപത്രിയിലും എത്തിച്ചുവെങ്കിലും മരണം സംഭവിച്ചിരുന്നു.
പ്രാഥമിക അന്വേഷണത്തില് സംഭവത്തില് ദൂരൂഹതയുണ്ടെന്നു കരുതുന്നില്ലെന്നു പൊലീസ് പറഞ്ഞു. പോസ്റ്റ്മോര്ട്ടം റിപ്പോര്ട്ട് കിട്ടിയ ശേഷം കൂടുതല് വ്യക്തത ലഭിക്കുകയുള്ളൂ.
https://www.facebook.com/Malayalivartha
