നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ വധിക്കാന്‍ ഗൂഢാലോചന നടത്തിയെന്ന കേസില്‍ നടന്‍ ദിലീപിനും കൂട്ടാളികള്‍ക്കും എതിരേ കൃത്യമായ തെളിവുകള്‍ ഉണ്ടെന്ന് ക്രൈംബ്രാഞ്ച് എഡിജിപി എസ്.ശ്രീജിത്ത്.

മാധ്യമപ്രവര്‍ത്തകരുടെ ചോദ്യങ്ങളോട് പ്രതികരിക്കുകയായിരുന്നു അദ്ദേഹം. കേസില്‍ ഫലപ്രദമായ അന്വേഷണം നടത്തി സത്യം പുറത്തുകൊണ്ടുവരും

ദിലീപ് സഹകരിച്ചാല്‍ അന്വേഷണത്തിന് ഗുണകരമാകും. പ്രതികള്‍ അന്വേഷണവുമായി സഹകരിക്കുന്നില്ലെങ്കില്‍ അക്കാര്യം കോടതിയെ ബോധിപ്പിക്കും.

കോടതി നിര്‍ദ്ദേശപ്രകാരമാണല്ലോ നിലവില്‍ ചോദ്യം ചെയ്യല്‍ നടക്കുന്നതെന്നും മറ്റ് വിശദാംശങ്ങള്‍ പറയാന്‍ കഴിയില്ലെന്നും എഡിജിപി വ്യക്തമാക്കി.