ജോലി തേടിപ്പോയിട്ട് മൂന്നു മാസം, പ്രവാസിയുടെ ഭാര്യ കിടപ്പുമുറിയില് തൂങ്ങിമരിച്ച നിലയില്, അഞ്ച് വയസുള്ള മകനൊപ്പം ഉറങ്ങാന് കിടന്ന ഇരുപത്തിനാലുകാരിയെ തൂങ്ങിമരിച്ച നിലയില് കണ്ടെത്തിയത് ഭര്തൃ വീട്ടില്
മലപ്പുറത്ത് പ്രവാസിയുടെ ഭാര്യയെ കിടപ്പുമുറിയില് തൂങ്ങിമരിച്ച നിലയില് കണ്ടെത്തി. മൂന്നു മാസം മുമ്പ് ജോലി തേടി സൗദിയില്പോയ മദാരി കുപ്പേങ്ങല് ഷുക്കൂര് ന്റെ ഭാര്യ ഷര്മില (24) യാണ് പന്തല്ലൂര് കടമ്പോട് മുടിക്കോടിലെ ഭര്തൃ വീട്ടില് തൂങ്ങി മരിച്ച നിലയില് കണ്ടെത്തിയത്. ആറു വര്ഷം മുമ്പായിരുന്നു ഇവരുടേയും വിവാഹം.
മലപ്പുറം പൂക്കോട്ടൂര് താണിക്കല് വീട്ടില് കുഞ്ഞറമു - ഫാത്തിമ ദമ്പതികളുടെ മകളാണ് ഷര്മില. രാത്രി അഞ്ചുവയസ്സുകാരനായ മകനൊപ്പം ഉറങ്ങാന് കിടന്നതാണ്. ഇന്നലെ രാവിലെയാണ് വീട്ടുകാര് മൃതദേഹം കാണുന്നത്. ഷഹ്ദാന് (5) ആണ് മരിച്ച ഷര്മിലയുടെ ഏക മകന്.
ഏറനാട് താലൂക്ക് തഹസീല്ദാര് അജയ്കുമാര് ഇന്ക്വസ്റ്റ് ചെയ്ത മൃതദേഹം പാണ്ടിക്കാട് പൊലീസിന്റെ മേല് നടപടികള്ക്ക് ശേഷം മഞ്ചേരി ഗവണ്മെന്റ് മെഡിക്കല് കോളേജില് പോസ്മോര്ട്ടത്തിന് ശേഷം ബന്ധുക്കള്ക്ക് വിട്ടു നല്കി. വിദേശത്തു നിന്നും ഭർത്താവ് ഷുക്കൂര് എത്തി രാത്രിയോടെ മൃതദേഹം മുടിക്കോട് ജുമാമസ്ജിദില് ഖബറടക്കുകയായിരുന്നു.
https://www.facebook.com/Malayalivartha
