എന്നും ഭരിക്കപ്പെടണ്ടവരാണ് എന്ന് കരുതിയ ഒരു ജനതയോട്, നിങ്ങളാണ് ഭരിക്കേണ്ടവർ എന്ന് പറഞ്ഞ പ്രത്യയ ശാസ്ത്രത്തിന്റെ പേരാണ് ഭരണഘടനയെന്ന് രാഹുൽ മാങ്കൂട്ടത്തിൽ. അദ്ദേഹത്തിന്റെ വാക്കുകൾ ഇങ്ങനെ; എന്നും ഭരിക്കപ്പെടണ്ടവരാണ് എന്ന് കരുതിയ ഒരു ജനതയോട്, നിങ്ങളാണ് ഭരിക്കേണ്ടവർ എന്ന് പറഞ്ഞ പ്രത്യയ ശാസ്ത്രത്തിന്റെ പേരാണ് ഭരണഘടന.

ആണ്ട് തോറും നടത്തുന്ന ഒരാഘോഷം, പതാകയുയർത്തൽ, പായസ വിതരണം എന്നതിനപ്പുറം ഈ ദിനത്തിന്റെ പ്രാധാന്യമെന്താണ്? ചിതറിയ ചിത്രങ്ങളെ ഇന്ത്യയെന്ന ക്യാൻവാസിലേക്ക് പകർത്തിയ ദിനമാണിന്ന്, വിഭജനത്തിന്റെ മതിലുകളുയർത്തുന്ന ഭരണ കൂടം ഇന്ത്യ ഭരിക്കുമ്പോൾ ഈ ദിനത്തിന്റെ ചരിത്രമോർക്കുകയെന്നത് മഹത്തരമായ രാഷ്ട്രീയമാണ്. 

അംബേദ്കറും നെഹ്റുവടക്കമുള്ള നേതൃ നിരയുടെ ദീർഘ വീക്ഷണത്തിന്റെ ഫലമാണ് ഇന്ന് നാം അനുഭവിക്കുന്ന ജനാധിപത്യ ഇന്ത്യ. മുഷ്ക് കാട്ടിയ കേന്ദ്ര ഭരണകൂടത്തെ ഒരു കൂട്ടം കർഷകർ മുട്ട് കുത്തിച്ചത് ഈ ഭരണഘടന നൽകിയ ജനാധിപത്യവും അവകാശ സ്വാതന്ത്ര്യത്താലുമാണ്. ജനത്തിന് മുകളിലേക്ക് വളരുന്ന ആരെയും മുട്ടുകുത്തിക്കുന്ന പരമാധികാരത്തിന്റെ, എല്ലാ പൗരന്മാരും തു ല്യരാണ് എന്ന സമത്വബോധത്തിന്റെ, നാം എന്ന ആത്മബോധത്തിന്റെ വാർഷികാശംസകൾ...