സന്തോഷ് പണ്ഡിറ്റ് തൻറേതായ കാഴ്ച്ചപ്പാടുകൾ ഫേസ്ബുക്കിലൂടെ പങ്കു വയ്ക്കാറുണ്ട്. ഇപ്പോൾ ഇതാ ഒരു ആരോഗ്യ നിരീക്ഷണവുമായി രംഗത്ത് വന്നിരിക്കുകയാണ്. അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; പണ്ഡിറ്റിന്റെ ആരോഗ്യ നിരീക്ഷണം .എന്റെ ഭക്ഷണ രീതിയെ കുറിച്ച് നിരവധി കൂട്ടുകാർ മെസ്സജർ മുഖേന ചോദിക്കുന്നത് ശ്രദ്ധയിൽ പെട്ടു . അതിനു എല്ലാവർക്കും ഉള്ള ഉത്തരം .

കഴിയുന്നതും ഫൈബർ (നാരു)അടങ്ങിയ ഭക്ഷണം ആണ് കഴിക്കുവാൻ ശ്രമിക്കുക . ദിവസവും പ്രായപൂർത്തിയായ ഒരാൾ 35 ഗ്രാം ഫൈബർ കഴിക്കണം എന്നാണു ഞാൻ മനസ്സിലാക്കിയത് . മദ്യം , പുകവലി , ലഹരി തീരെയില്ല . രാവിലെ കഴിയുന്നതും ആപ്പിൾ , മാതള നാരങ്ങാ , ഒരു ഗ്ലാസ് പാല് കഴിക്കും . ഇടയിൽബദാം (20 എണ്ണം ), പിസ്താ (15 എണ്ണം ), വാൾനട്ട് (ഒരു കുഞ്ഞു പിടി ), അണ്ടി പരിപ്പ് , ഉണക്ക മുന്തിരി, കാരക്ക എന്നിവ കഴിക്കും . കറുത്ത ഉണക്ക മുന്തിരി വെള്ളത്തിൽ ഇട്ടു കഴിക്കും .

ഒരു നേരം ബസ്മതി ചോറ് . തക്കാളി , മറ്റു പച്ചക്കറികൾ വെച്ച് തേങ്ങാ ഇല്ലാതെ ഒരു കറിയും . വെളുത്തുള്ളി അച്ചാർ . ഇഞ്ചി , നാരങ്ങാ പിഴിഞ്ഞും കഴിക്കും . മാങ്ങാ അച്ചാറും ഇഷ്ടമാണ് . ഒരു നേരം ഓട്സ് കഞ്ഞി . അതിലും , പാലിലും എല്ലാം കറുപെട്ടി ആണ് പഞ്ചാസാരക്ക് പകരം ഉപയോഗിക്കുന്നെ .. ഓട്സ് കഞ്ഞിയിൽ പരമാവധി സുഗന്ധ ദ്രവ്യങ്ങൾ ഇടും . ഏലക്കായി സാധാരണ ബിരിയാണിക്ക് ഇടുന്ന എല്ലാം ഇടും .

ഇടയ്ക്കു മാങ്ങാ , പഴങ്ങൾ കഴിക്കും . കാരറ്റ് , ബീറ്ററൂട് ഇഷ്ടം . പരമാവധി കലോറി കുറഞ്ഞ ഭക്ഷണങ്ങൾ കഴിക്കും . അരി ഭക്ഷണം , എണ്ണയുള്ള ഭക്ഷണം , കൊഴുപ്പു , പഞ്ചസാര അടങ്ങിയ ഭക്ഷണം കുറച്ചേ കഴിക്കൂ . നമ്മുടെ മൊത്തം നീളത്തിൽ നിന്നും ശരാശരി 100 കുറച്ചാൽ നമ്മുടെ തൂക്കം വെയിറ്റ് വരണം എന്നാണു എന്റെ ചിന്ത . (Eg.. 170 cm നീളമുള്ള ആൾക്ക് പരമാവധി 70 Kg തൂക്കം വരാവൂ ..) അതുപോലെ മൊത്തം നീളത്തിന്റെ പകുതി ആകണം വയറിന്റെ ചുറ്റളവ് എന്നും ചിന്തിക്കുന്നു .

(അതായത് മൊത്തം നീളം 170 cm ആണെങ്കിൽ നിങ്ങളുടെ വയറിന്റെ പൊക്കിൾ കൊടിയുടെ ചുറ്റും പിടിച്ചാൽ 170÷2= 85cm വരാവൂ എന്നർത്ഥം .) ഇതിൽ വളരെ കൂടിയാലും , വളരെ കുറഞ്ഞാലും പ്രശ്നമാകും എന്നാണു ഞാൻ മനസ്സിലാക്കിയത് . അതിനാൽ വീട്ടിലെ വൈഗിംഗ് മെഷീൻ വെച്ച് ദിവസവും തൂക്കം നോക്കും . വയറു ദിവസവും ചുറ്റിപിടിച്ചു അളന്നു നോക്കും . കൂടെ 45 മിനിറ്റ് എക്സ്സൈസ് ചെയ്യണം എന്ന് ആഗ്രഹിക്കും .

പക്ഷെ ഒരു മടിയൻ ആയതിനാൽ വെറും 20 മിനുറ്റ് മാത്രമേ എക്സ്സൈസ് ചെയ്യൂ . പരമാവധി രാവിലെ മുതൽ രാത്രി വരെ കൈകളിൽ ചിന്മുദ്ര പിടിക്കും . ദിവസവും രണ്ടു മണിക്കൂർ ധ്യാനിക്കും .(2000 തവണ "ഹരേ രാമാ" മന്ത്രം ജപിച്ചാൽ രണ്ടു മണിക്കൂർ ആകും .. എഴുതി വെച്ചാണ് ജപിക്കുക .) വയറു കൂടിയാൽ കാണുവാൻ ഒരു ലുക്ക് ഉണ്ടാവില്ല എന്നാണു ചിന്ത . പിന്നെ പെണ്ണുങ്ങൾ ഒന്നും നമ്മളെ നോക്കില്ല .

(അല്ലെങ്കിലേ പെണ്ണുങ്ങൾ ഒന്നും നോക്കുന്നില്ല . പിന്നെ വയറും കൂടി ചാടിയാൽ എന്താവും അവസ്ഥ .) ഇതുപോലെ ഭക്ഷണം കഴിച്ചാൽ കാര്യമായി അസുഖം ഉണ്ടാവില്ല എന്നും , എത്ര പ്രായം ആയാലും എന്നും യുവത്വം , എനർജി , സ്റ്റാമിന നിലനിർത്തുവാൻ ആകും എന്നാണു എന്റെ തിയറി .

ഇങ്ങനെ ഒക്കെ ആണെങ്കിലും , പുറത്തു പോയാൽ ആ ഹോട്ടലിൽ എന്തൊക്കെ ഉണ്ടോ അതൊക്കെ കഴിക്കും . ഒരു ദിവസം ഒരു സ്പൂൺ എണ്ണ മാത്രമേ കഴിക്കൂ എന്ന ശപഥം മറക്കും എന്ന് അർഥം . (വാൽകഷ്ണം .. ഞാൻ ഒരു ഡോക്ടർ അല്ല. മെഡിക്കൽ സയൻസ് പഠിച്ചിട്ടില്ല . അതിനാൽ എന്റെ ഭക്ഷണ രീതികൾ അനുകരിക്കുന്നവർ സ്വന്തം റിസ്കിൽ അത് ചെയ്യുക. എനിക്ക് ഒന്നിനും യാതൊരു ഉത്തരവാദിത്വവും ഇല്ല . പക്ഷെ എന്റെ അനുഭവത്തിൽ ഈ ഭക്ഷണ രീതി അടിപൊളിയാണ് ..)