പാമ്പുകടിയേറ്റ് കോട്ടയം മെഡിക്കല്‍ കോളേജില്‍ ചികിത്സയിലുള്ള വാവ സുരേഷിന് സൗജന്യ ചികിത്സ നല്‍കുമെന്ന് ആരോഗ്യ വകുപ്പ് മന്ത്രി വീണാ ജോര്‍ജ്. മെഡിക്കല്‍ കോളേജ് ആശുപത്രി സൂപ്രണ്ടിനെ വിളിച്ച് വാവ സുരേഷിന്റെ ആരോഗ്യ നിലയെ കുറിച്ച് ചോദിച്ചറിഞ്ഞു. എല്ലാവിധ വിദഗ്ധ ചികിത്സയും ഉറപ്പാക്കാനും മന്ത്രി നിര്‍ദേശം നല്‍കി. കോട്ടയം കുറിച്ചിയില്‍ മൂര്‍ഖന്‍ പാമ്പിനെ പിടികൂടുന്നതിനിടെയാണു കടിയേറ്റത്.

വാവ സുരേഷിന്റെ നില അതീവ ഗുരുതരമായി തുടരുകയാണ്. ആശുപത്രിയില്‍ എത്തുന്നതിന് 10 മിനിറ്റ് മുന്‍പ് ബോധം നഷ്ടപ്പെട്ടു. നാഡിമിടിപ്പ് 20 ലേക്കു താഴ്ന്നു. നിലവില്‍ വെന്റിലേറ്ററില്‍ പ്രവേശിപ്പിച്ചിരിക്കുകയാണ്. ആന്റിവെനം നല്‍കി. കടിച്ച പാമ്ബുമായാണ് ആശുപത്രിയില്‍ എത്തിച്ചത്.