പൊതുവിദ്യാഭ്യാസ മേഖലയിലെ അടിസ്ഥാന സൗകര്യ വികസനത്തിന് 122 കോടി രൂപ കൂടി ; പ്രയോജനം 111 സ്കൂളുകള്ക്ക് ; കൂടുതല് പദ്ധതികള്ക്ക് ഭരണാനുമതി ഉടനെന്ന് മന്ത്രി വി ശിവന്കുട്ടി
04 FEBRUARY 2022 02:26 PM IST
മലയാളി വാര്ത്ത
പൊതുവിദ്യാഭ്യാസ മേഖലയിലെ അടിസ്ഥാന സൗകര്യ വികസനത്തിന് 122 കോടി രൂപയുടെ പദ്ധതികള്ക്ക് ഭരണാനുമതി. ക്യാപിറ്റല് ഹെഡ് ഇനത്തില് 72 സ്കൂളുകള്ക്കായി 81 കോടി രൂപയും റവന്യൂ ഹെഡ് ഇനത്തില് 31 സ്കൂളുകള്ക്കായി 41 കോടി രൂപയുമാണ് അനുവദിച്ചിരിക്കുന്നത്.
കൂടുതല് പദ്ധതികള്ക്ക് ഭരണാനുമതി ഉടന് നല്കുമെന്ന് പൊതു വിദ്യാഭ്യാസവും തൊഴിലും വകുപ്പ് മന്ത്രി വി ശിവന്കുട്ടി അറിയിച്ചു. ഹയര്സെക്കന്ഡറി മേഖലയില് 29 സ്കൂളുകള്ക്കും വൊക്കേഷണല് ഹയര് സെക്കന്ഡറിയില് 13 സ്കൂളുകള്ക്കുമായി 46 കോടി രൂപയുടെ കെട്ടിടനിര്മ്മാണത്തിന് ഭരണാനുമതി നല്കുന്നതിനുള്ള നടപടികള് പുരോഗമിച്ചു വരികയാണ്.
ഹയര്സെക്കന്ഡറി സ്കൂളുകളില് ലാബ്, ലൈബ്രറി നവീകരണത്തിന് 22 കോടി രൂപ അനുവദിക്കുന്നതിനുള്ള നടപടിക്രമവും പുരോഗമിക്കുകയാണെന്നും മന്ത്രി ശിവന്കുട്ടി പറഞ്ഞു.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
