വീടുകളില് സോളാര് പാനലുകള് സ്ഥാപിക്കാനുള്ള വായ്പയ്ക്ക് പലിശ ഇളവ് ... വീട്ടമ്മമാര്ക്ക് വര്ക്ക് നിയര് ഹോം പദ്ധതിക്കായി അമ്പതുകോടി... പദ്ധതിയിലൂടെ അഭ്യസ്തവിദ്യരായ വീട്ടമ്മമാര്ക്ക് തൊഴില് ലഭിക്കുമെന്ന് ധനമന്ത്രി
വീട്ടമ്മമാര്ക്ക് വര്ക്ക് നിയര് ഹോം പദ്ധതിക്കായി അമ്പതുകോടി രൂപ നീക്കിവെക്കുമെന്ന് ധനമന്ത്രി കെ.എന്.ബാലഗോപാല് അറിയിച്ചു. നിയമസഭയില് ബജറ്റ് അവതരിപ്പിക്കുകയായിരുന്നു ധനമന്ത്രി കെ.എന്.ബാലഗോപാല്. പദ്ധതിയിലൂടെ അഭ്യസ്തവിദ്യരായ വീട്ടമ്മമാര്ക്ക് തൊഴില് ലഭിക്കുമെന്ന് അദ്ദേഹം അവകാശപ്പെട്ടു.
കോവിഡാനന്തരവും വര്ക്ക് ഫ്രം ഹോം പോലുളള ആശയങ്ങള് നിലനില്ക്കാനും വലിയ അളവില് തുടര്ന്നു പോകാനുമാണ് സാധ്യത. ഗ്രാമങ്ങളും ചെറുപട്ടണങ്ങളും കേന്ദ്രീകരിച്ച് ലോകമെമ്പാടുമുളള കമ്പനികള്ക്ക് വേണ്ടി ഓണ്ലൈനായി തൊഴിലെടുക്കുക എന്ന സാധ്യത നാം ഉപയോഗപ്പെടുത്തേണ്ടതുണ്ട്.
വര്ക്ക് ഫ്രം ഹോം പോലെ വര്ക്ക് നിയര് ഹോം എന്ന ആശയവും സ്വീകാര്യമാവുകയാണ്. ഐടി അധിഷ്ഠിത സൗകര്യങ്ങളുളള തൊഴില് കേന്ദ്രങ്ങള് സംസ്ഥാനത്തിന്റെ പല ഭാഗങ്ങളിലും തുടങ്ങുന്നതോടെ അഭ്യസ്തവിദ്യരായ വീട്ടമ്മമാര്ക്കുള്പ്പടെ തൊഴില് ലഭിക്കും. ഈ പദ്ധതിക്കായി 50 കോടി രൂപ നീക്കിവെക്കും. ധനമന്ത്രി പറഞ്ഞു.
അതേസമയം സംസ്ഥാനത്ത് പ്രവര്ത്തിക്കുന്ന 50 ശതമാനം ഫെറി ബോട്ടുകള് സോളാര് ആക്കുമെന്ന് ധനമന്ത്രി കെ.എന്. ബാലഗോപാല്. വീടുകളില് സോളാര് പാനലുകള് സ്ഥാപിക്കാനുള്ള വായ്പയ്ക്ക് പലിശ ഇളവ് നല്കും. ഇതിനായി 15 കോടിരൂപ നീക്കിവെച്ചിട്ടുണ്ടെന്നും മന്ത്രി പറഞ്ഞു.
തൃശ്ശൂര് ജില്ലയിലെ പെരിഞ്ഞനം ഗ്രാമപഞ്ചായത്ത് ഊര്ജമേഖലയില് നടത്തിയ ഇടപെടലിനെ കുറിച്ചും മന്ത്രി ബജറ്റില് പരാമര്ശിച്ചു. പഞ്ചായത്തിന്റെ മുന്കയ്യില് ആ പ്രദേശത്തെ സഹകരണ ബാങ്കിന്റെയും സോളാര് എനര്ജി കോര്പറേഷന്റെയും കെഎസ്ഇബി ലിമിറ്റഡിന്റെയും സഹായത്തോടെ പഞ്ചായത്തിലെ വീടുകളില് സോളാര് പാനലുകള് സ്ഥാപിക്കുന്ന രാജ്യത്തെ ആദ്യ പഞ്ചായത്തായി പെരിഞ്ഞനം മാറിയെന്ന് മന്ത്രിപറഞ്ഞു.
"
https://www.facebook.com/Malayalivartha
